- Аман хансны – урлугъу кёб.
- Арпа, будай – ащды, алтын, кюмюш а – ташды.
- Джюрекге ариу – кёзге да ариу.
- Чёбню кёлтюрсенг, тюбюнден сёз чыгъар.
- Алим болгъандан эсе, адам болгъан къыйынды.
- Эринчекге кюн узун.
- Ишлемеген – тишлемез.
- Ишленмеген джаш – джюгенсиз ат, ишленмеген къыз – тузсуз хант.
- Намыс болмагъан джерде, насыб болмаз.
- Ачлыкъда тары гырджын халыуадан татлы.
- Ашхы болсанг, атынг чыгъар, аман болсанг, джанынг чыгъар.
- Танг атмайма десе да, кюн къоярыкъ тюйюлдю.
- Онгсузну – джакъла, тенгликни – сакъла.
- Адам къаллай бир ишленмесе, аллай бир кесин уллу кёреди.
- Суу кетер, таш къалыр.
- Чыбыкълыкъда бюгюлмеген, къазыкълыкъда бюгюлмей эди.
- Чомартны къолун джокълукъ байлар.
- Къалгъан ишге къар джауар.
- Тенгинг джокъ эсе – изле, бар эсе – сакъла!
- Мухар, кеси тойса да, кёзю тоймаз.
- Ишленмеклик адамлыкъды.
- Урама да – ёледи, сатама да – келеди.
- Биреуге аманлыкъ этиб, кесинге игилик табмазса.
- Адамны сыфатына къарама, сёзюне къара.
- Байлыкъ болгъан джерде, тынчлыкъ джокъду.
- Ат да турмайды бир териде.
- Ач къалгъандан, кеч къалгъан къолай.
- Байны оноуу, джарлыгъа джарамаз.
- Сёлеш деб шай берген, тохта деб, сом берген.
- Кийимни бир кюнню аясанг, минг кюннге джарар.
- Айранын берсенг, челегин да къызгъанма.
- Ана кёлю – балада, бала кёлю – талада.
- Къоркъакъны кёзю экили кёрюр.
- Айырылмаз джууугъунга, унутмаз сёзню айтма.
- Aдам боллукъ, сыфатындан белгили.
- Келинин тута билмеген, къул этер, къызын тута билмеген, тул этер.
- Дуния мал дунияда къалады.
- Чарсда алчыны эл кёреди.
- Бозаны арты дауур болур.
- Тенгни тенглиги джашай барсанг билинир.
- Ётюрюкчюню шагъаты – къатында.
- Терек ауса, отунчу – кёб.
- Ким бла джюрюсенг, аны кёзю бла кёрюнюрсе.
- Игилик игилик бла сингдирилиучю затды.
- Киштикге къанат битсе, чыпчыкъ къалмаз эди.
- Эртде тургъан бла эртде юйленнген сокъуранмаз.
- Накъырданы арты керти болур.
- Къонакъ кёб келюучю юйню, къазаны отдан тюшмез.
- Хансыз джомакъ болмаз.
- Атадан ёксюз – бир ёксюз, анадан ёксюз – эки ёксюз.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 2)