- Акъылсызны джууукъгъа алма, акъыллыны кенгнге салма.
- Аш иеси бла татлыды.
- Тил – миллетни джаны.
- Сёз – кюмюш, джыр – алтын.
- Эртде тургъан джылкъычыны эркек аты тай табар.
- Джарлы эскисин джамаса, къууаныр.
- Бозанг болмагъан джерге, къалагъынгы сукъма.
- Окъугъан озар, окъумагъан тозар.
- Ауругъанны сау билмез, ач къарынны токъ билмез.
- Джюрек кёзден алгъа кёрюр.
- Кюн кёрмеген, кюн кёрсе, кюндюз чыракъ джандырыр.
- Аш хазыр болса, иш харам болур.
- Джуртун къоругъан озар.
- Ариу джол аджал келтирмез.
- Халкъгъа джарагъан, джарлы къалмаз.
- Тил – кесген бычакъ, сёз – атылгъан окъ.
- Къралынгы – душмандан, башынгы от бла суудан сакъла.
- Акъыллы эркиши атын махтар, акъылсыз эркиши къатынын махтар.
- Кенгеш болса, уруш болмаз.
- Биреу ашаб къутулур, биреу джалаб тутулур.
- Уллу сёлешме да, уллу къаб.
- Адеби болмагъан къыз – тузсуз хант.
- Эки къатын алгъан – эки ташны ортасына башын салгъан.
- Акъыл аздырмаз, билим тоздурмаз.
- Экиндини кеч къылсанг, чабыб джетер ашхам.
- Эл элде бирер малынг болгъандан эсе, бирер тенгинг болсун.
- Къызбайны юйюне дери сюрсенг, батыр болур.
- Ашлыкъ – бюртюкден, джюн – тюкден.
- Оюмсуз атлагъан, аджалсыз ёлюр.
- Чакъырылмагъан джерге барма, чакъырылгъан джерден къалма.
- Адамны аманы адамны бети бла ойнар.
- Эл ауузу – элия.
- Ариу сёз – къылычдан джити.
- Джашда акъыл джокъ, къартда къарыу джокъ.
- Сабыр джетер муратха, сабырсыз къалыр уятха.
- Джангызны оту джарыкъ джанмаз!
- Акъыллы башны – тили къысха.
- Терек ауса, отунчу – кёб.
- Ата – баланы уясы.
- Акъыл бла адеб эгизледиле.
- Хоншуну тауугъу къаз кёрюнюр, келини къыз кёрюнюр.
- Кесине гебен этелмеген, биреуге черен эте эди.
- Чомартха хар кюн да байрамды.
- Мал ёлсе, сюек къалыр, адам ёлсе, иши къалыр.
- Кёб къычыргъандан – къоркъма, тынч олтургъандан – къоркъ.
- Джаханимни кёрмей, джандетге кёл салмазса.
- Тынгылагъан тынгы бузар.
- Рысхы – сют юсюнде кёмюк кибикди.
- Джаз бир кюнню джатсанг, къыш талай кюнню абынырса.
- Сакъалы текени да бар, мыйыгъы киштикни да бар.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)