- Къоркъакъны кёзю экили кёрюр.
- Мухарны эси – ашарыкъда.
- Битмегеннге сакъал – танг.
- Аманны тукъумуна къарама, игини тукъумун сорма.
- От кюйдюрген, сау болса да, тот кюйдюрген, сау болмаз.
- Кечеси – аяз, кюню – къыш, джарлы къаргъагъа бир аш тюш!
- Айыбны суу бла джууалмазса.
- Ач отунчуну ачыуу – бурнунда.
- Къарт болгъан джерде, берекет болур, сабий болгъан джерде, оюн болур.
- Тамбла алтындан бюгюн багъыр ашхы.
- Сабий кёргенин унутмаз.
- Ушамагъан – джукъмаз.
- Сабийликде юретмесенг, уллу болса – тюзелмез.
- Ауругъаннга – кийик саулукъ, джетген къызгъа – чилле джаулукъ.
- Ёлмесенг да, къарт дамы болмазса?
- Эркиши – от, тиширыу – суу.
- Аш кетер да бет къалыр.
- Аманны эки битли тону болур, бирин сеннге кийдирир, бирин кеси киер.
- Джюрек кёзден алгъа кёрюр.
- Элде адам къалмаса, ит тахтагъа минер.
- Тёгюлген тюгел джыйылмайды.
- Баш болса, бёрк табылыр.
- Окъ къызбайны джокълайды.
- Аууздан келген, къолдан келсе, ким да патчах болур эди.
- Иги сёз – джаннга азыкъ, аман сёз башха – къазыкъ.
- Сабийни джумушха джибер да, ызындан бар.
- Юй кюйдю да, кюйюз чыкъды, ортасындан тюйюш чыкъды.
- Билген билмегенни юретген адетди.
- Тёзгеннге, джабылгъан эшик ачылыр.
- Ишлегенден, къарагъан уста.
- Билмейме деген – бир сёз
- Алгъанда – джууукъ, бергенде – джау.
- Ашхылыкъ джерде джатмайды, аманлыкъ суугъа батмайды.
- Айтылгъан сёз ызына къайтмаз.
- Туз, гырджын аша, тюзлюк бла джаша.
- Кийимни бичсенг, кенг бич, тар этген къыйын тюлдю.
- Бюгюн дуния кибик, тамбла ахыратды.
- Ишлемеген – тишлемез.
- Къазанчы аман болса, къазаны къайнамаз.
- Рысхы – насыбха къор.
- Къралынгы – душмандан, башынгы от бла суудан сакъла.
- Иги адамны бир сёзю эки болмаз.
- Накъырда – кертини келечиси.
- Юйлю уругъа ит чабмаз.
- Башда акъыл болмаса, эки аякъгъа кюч джетер.
- Айныгъанлы алты кюн, тогъайгъанлы тогъуз кюн.
- Эки элинги тыйсанг, джети элде махталырса.
- «Ёгюз, джаргъа джууукъ барма, меннге джюк боллукъса», - дегенди эшек.
- Адам боллукъ, атламындан белгили болур.
- Аман адам элни бир-бирине джау этер.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)