- Адамны аты башхача, акъылы да башхады.
- Хар зат кесини орнуна иги.
- Джангызны оту джарыкъ джанмаз!
- Адеб базарда сатылмаз.
- Къыз чыгъаргъан – къызыл къымжа.
- Эринчекни аурууу – кёб.
- Адеб джокъда, намыс джокъ.
- Аман къатын алгъан, арыр, иги къатын алгъан джарыр.
- Аман адам элни бир-бирине джау этер.
- Ачлыкъда тары гырджын халыуадан татлы.
- Таула не мийик болсала да, аууш табылыр.
- Уллу сёзде уят джокъ.
- Ишлегенден, къарагъан уста.
- Адеб этмеген, адеб кёрмез.
- Кёзюнде тереги болгъан, чёбю болгъаннга кюле эди.
- Кеси юйюмде мен да ханма.
- Билим насыб берир, билим джолну керир.
- Ёлюк кебинсиз къалмаз.
- Ана – юйню кюн джарыгъы.
- Кимни – тили, тиши онглу, кимни – къолу, иши онглу.
- Уллу атлама – абынырса, уллу къабма – къарылырса.
- Тынгылагъан тынгы бузар.
- Бети бедерден, намыс сакълама.
- Къазанны башы ачыкъ болса, итге уят керекди.
- Байлыкъдан саулукъ ашхыды.
- Джигер – джаннга къыйынлыкъ.
- Суу да къайтады чыкъгъан джерине.
- Абынмазлыкъ аякъ джокъ, джангылмазлыкъ джаякъ джокъ.
- Намысы джокъну – дуниясы джокъ.
- Эрни эр этерик да, къара джер этерик да, тиширыуду.
- Кёпюр салгъан кеси ётер, уру къазгъан кеси кетер.
- Биреуню эскиси биреуге джангы болмайды.
- Ауузу аманнга «иги», деме.
- Эркишиге тары кебек танг кёрюнюр.
- Тил – миллетни джаны.
- Байны къызы баймакъ болса да, юйде къалмаз!
- Босагъа таш юйге кирмей эди, тыбыр таш эшикге чыкъмай эди.
- Адеби болмагъан къыз – тузсуз хант.
- Эр абынмай, эл танымаз.
- Сибиртки да сыйлы болду, кюрек да кюнлю болду.
- Ишлерге уял да, ашаргъа табма.
- Сабийни джумушха джибер да, ызындан бар.
- Кесинге джетмегенни, кёб сёлешме.
- Ёзденликни кёбю ётюрюк.
- Кёб джашагъан – кёб билир.
- Борчунг бар эсе, хурджунунга ойлаб узал.
- Ачыу алгъа келсе, акъыл артха къалады.
- Хар адамгъа кеси миннген тау кибик.
- Таукелге нюр джауар.
- Къонагъынгы артмагъын алма да, алгъышын ал.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)