Суу кетер, таш къалыр.
Ишлегенден, къарагъан уста.
Ашаса, ашамаса да, бёрюню ауузу – къан.
Ана къолу ачытмаз.
Ата Джуртуму башы болмасам да, босагъасында ташы болайым.
Биреуню къыйынлыгъы бла кесинге джол ишлеме.
Садакъачыны джаны – къапчыгъында.
Келлик заман – къартлыкъ келтирир, кетген заман – джашлыкъ ёлтюрюр.
Эл элде бирер малынг болгъандан эсе, бирер тенгинг болсун.
Суу ичген шауданынга тюкюрме.
Келинни – келгинчи, бёркню кийгинчи кёр.
Ашхы сёз таш тешер.
Намыс сатылыб алынмайды.
Гугурук къычырмаса да, тангны атары къалмаз.
Ата Джуртча джер болмаз, туугъан элча эл болмаз.
Акъылсызны джууукъгъа алма, акъыллыны кенгнге салма.
Агъач халкъгъа алтынды, иссиликге салкъынды.
Итли къонакъ джарашмаз.
Сабийни джумушха джибер да, ызындан бар.
Окъуусуз билим – джокъ, билимсиз кюнюнг – джокъ.
Суу да къайтады чыкъгъан джерине.
Алим болгъандан эсе, адам болгъан къыйынды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тенгинг джокъ эсе – изле, бар эсе – сакъла!
Джарлы джети элни сёзюн этер.
Чакъырылмай келген къонакъ сыйланмай кетер.
Ёгюзню мюйюзлери ауурлукъ этмейдиле.
Чыкълы кюнде чыкъмагъан, чыкъса къуру кирмеген.
Чакъырылмагъан къонакъ къачан кетерин сормаз.
Биреуге кёлтюрген таягъынг, кесинги башынга урур.
Кёб джат да, бек чаб.
Къыйынлы джети элни къайгъысын этер.
Джашынгы кесинг юретмесенг, джашау юретир.
Чёбню кёлтюрсенг, тюбюнден сёз чыгъар.
Къалгъан ишге къар джауар.
Зар адамны насыбы болмаз.
Джыланны къуйругъундан басарынг келсе, аны башы болгъанын унутма.
Аджаллыгъа окъсуз шкок атылыр.
Эки элинги тыйсанг, джети элде махталырса.
Къызны минг тилер, бир алыр.
Ач – эснер, ат – кишнер.
Аурууну келиую тынч, кетиую – къыйын.
Къонакъ болсанг, ийнакъ бол.
Ашхы адам – халкъ байлыгъы, ашхы джер – джашау байлыгъы.
Тулпарлыкъ, билекден тюл – джюрекден.
Ата джурт – алтын бешик.
Билмегенинги, билгеннге сор.
Аман адам этегингден тутса, кес да къач.
Къартны бурнун сюрт да, оноугъа тут.
Тили узунну, намысы – къысха.
