Ким бла джюрюсенг, аны кёзю бла кёрюнюрсе.
Тил – кесген бычакъ, сёз – атылгъан окъ.
Къартны сыйын кёрмеген, къартлыгъында сыйлы болмаз.
Иги джашны ышаны – аз сёлешиб, кёб тынгылар.
Уллу къашыкъ эрин джыртар.
Бозаны арты дауур болур.
Сагъышы джокъ – джукъучу, акъылы джокъ – къаугъачы.
Аллахдан тилесенг, кёб тиле.
Керилген да, ургъан кибикди.
Акъыллы башны – тили къысха.
Болджал ишни бёрю ашар.
Ёмюрлюк шохлукъну джел элтмез.
Кечеси – аяз, кюню – къыш, джарлы къаргъагъа бир аш тюш!
Чабакъ башындан чирийди.
Бюгюн дуния кибик, тамбла ахыратды.
Чабакъгъа акъыл, табагъа тюшсе келеди.
Ач къарынны, токъ билмез
Намысы джокъну – дуниясы джокъ.
Айтханы чапыракъдан ётмеген.
Ашхы болсанг, атынг чыгъар, аман болсанг, джанынг чыгъар.
Хунаны тюбюн къазсанг, юсюнге ауар.
Игилик игилик бла сингдирилиучю затды.
Сёз садакъдан кючлюдю.
Аман адам этегингден тутса, кес да къач.
Къралынгы – душмандан, башынгы от бла суудан сакъла.
Малны кют, джерни тюрт.
Атынг аманнга чыкъгъандан эсе, джанынг тамагъынгдан чыкъсын.
Ашхылыкъ джерде джатмайды, аманлыкъ суугъа батмайды.
Махтаннган къыз, тойда джукълар.
Тиширыусуз юй – отсуз от джагъа.
Хазыр ашха – терен къашыкъ.
Кёб джашагъан – кёб билир.
Чакъырылгъанны аты, чакъырылмагъанны багъасы болур.
Аллахха ийнаннган кишини, Аллах онгдурур ишин.
Ат да турмайды бир териде.
Билеги кючлю, бирни джыгъар, билими кючлю, мингни джыгъар.
Суу да къайтады чыкъгъан джерине.
Иги сеники эсе да, сюйген кесимикин этеме.
Билим ат болуб да чабар, къуш болуб да учар.
Чомарт къонакъ юй иесин сыйлар.
Эли джокъну – кёлю джокъ.
Дуния малгъа сатылма, кесингден телиге къатылма.
Адеб джокъда, намыс джокъ.
Телиге от эт десенг, юйюнге от салыр.
Ашхы адам – халкъ байлыгъы, ашхы джер – джашау байлыгъы.
Тойгъа алгъа да барма, тойда артха да къалма.
Кимни – тили, тиши онглу, кимни – къолу, иши онглу.
Чабакъсыз кёлге къармакъ салгъанлыкъгъа, чабакъ тутмазса.
Биреуню къыйынлыгъы бла кесинге джол ишлеме.
Кюн кёрмеген, кюн кёрсе, кюндюз чыракъ джандырыр.
