Бет бетге къараса, бет да джерге къарар.
Азыкъ аз болса, эртде орун сал.
Джукъу тёшек сайламайды.
Сууда джау джокъ, кёб сёзде магъана джокъ.
Тилчи бир сагъатха айлыкъ хата этер.
Тойгъанлыкъ къойгъа джарашады.
Билим къая тешер.
«Ёгюз, джаргъа джууукъ барма, меннге джюк боллукъса», - дегенди эшек.
Онгсузну – джакъла, тенгликни – сакъла.
Ачыу алгъа келсе, акъыл артха къалады.
Адамны артындан къара сабан сюрме.
Джарлы тюеге минсе да, ит къабар.
Ётюрюкчюню шагъаты – къатында.
Уясында не кёрсе, учханында аны этер.
Аман киши кеси юйюнде – къонакъ.
Элиб деген, элге болушур.
Къарт болгъан джерде, берекет болур, сабий болгъан джерде, оюн болур.
Гитче джилтин уллу элни джандырыр.
Аман адам этегингден тутса, кес да къач.
Зарда марда джокъ.
Ата – билек, ана – джюрек!
Чёбню кёлтюрсенг, тюбюнден сёз чыгъар.
Къатын байлыкъны сюер, эр саулукъну сюер.
Джюрек кёзден алгъа кёрюр.
Суугъа – чабакъ, къаягъа – ыргъакъ.
Къуллукъчума, деб махтанма, къуллукъ – хаух джамчыды!
Къазанда болса, чолпугъа чыгъар.
Ёлмесенг да, къарт дамы болмазса?
Бети бедерден, намыс сакълама.
Чомартха Тейри да борчлуду.
Алим болгъандан эсе, адам болгъан къыйынды.
Къартны сыйын кёрмеген, къартлыгъында сыйлы болмаз.
Тёрдеги кюлсе, эшикдеги ышарыр.
Чыбыкълыкъда бюгюлмеген, къазыкълыкъда бюгюлмей эди.
Къолу уллу – асыу, аягъы уллу – джарсыу.
Накъырда – кертини келечиси.
Къобан да къуру да къобханлай турмайды, адам да къуру да патчахлай турмайды.
Аш кетер да бет къалыр.
Сабий болмагъан джерде, мёлек болмаз.
Юйюнг бла джау болгъандан эсе, элинг бла джау бол.
Ханнга да келеди хариблик.
Джырчы джырчыгъа – къарнаш.
Эртде тургъан бла эртде юйленнген сокъуранмаз.
Гугурук къычырмаса да, тангны атары къалмаз.
Эркиши – от, тиширыу – суу.
Тенги кёбню джау алмаз, акъылы кёбню дау алмаз.
Бек анасы джыламаз.
Тай асырагъан, атха минер.
Ётюрюк хапар аякъ тюбю бла джюрюйдю.
Кийимни бир кюнню аясанг, минг кюннге джарар.
