Тиширыусуз юй – отсуз от джагъа.
Чомартха Тейри да борчлуду.
Джангызны оту джарыкъ джанмаз!
Ашаса, ашамаса да, бёрюню ауузу – къан.
Юйюнг бла джау болгъандан эсе, элинг бла джау бол.
Агъач – джерни чырайы, кийим – эрни чырайы.
Эте билген, этген этеди, эте билмеген, юретген этеди!
Къолунгдан къуймакъ ашатсанг да, атаны борчундан къутулмазса.
Айран тёгюлсе, джугъусу къалыр.
Окъуусуз билим – джокъ, билимсиз кюнюнг – джокъ.
Тил – кесген бычакъ, сёз – атылгъан окъ.
Халкъны юйю – туугъан джери.
Тин – байлыгъынг, терен саулугъунг.
Сабийни джумушха джибер да, ызындан бар.
Кесине гебен этелмеген, биреуге черен эте эди.
Ёлген аслан – сау чычхан.
Джетген къыз джерли эшекни танымаз.
Акъыл сабырлыкъ берир.
Ишленмеген джаш – джюгенсиз ат, ишленмеген къыз – тузсуз хант.
Къайгъы тюбю – тенгиз.
Джарлыны эшигин махтагъан джабар.
Тойгъан джерге джети къайт.
Гугук кесини атын айтыб къычыргъанча, мен, мен деб нек тураса?
Ёгюзню мюйюзюнден тутадыла, адамны сёзюнден тутадыла.
Къонакъ аман болса, къонакъбай джунчур
Орну джокъну – сыйы джокъ.
Ауузу аманнга «иги», деме.
Ашхы болсанг, атынг чыгъар, аман болсанг, джанынг чыгъар.
Бети бедерден, намыс сакълама.
Къайтырыкъ эшигинги, къаты уруб чыкъма.
Окъдан джара эртде-кеч болса да бителир, сёз джара, ёмюрге къалыр.
Эл бла кёргенинг эрелей.
Билмезни кёзю кёрмез, этмезни къулагъы эшитмез.
Этек чакъмакълары баш джаргъан, сёлешген сёзлери таш джаргъан.
Чыбыкълыкъда бюгюлмеген, къазыкълыкъда бюгюлмей эди.
Ач къарынны, токъ билмез
Ашыкъгъанны этеги бутуна чырмалыр.
Къатын къылыкъсыз, эр тынчлыкъсыз.
Кёб джат да, бек чаб.
Къонагъынгы артмагъын алма да, алгъышын ал.
Чоюнну башы ачыкъ болса, итге уят керекди.
Билим – акъылны чырагъы.
Адамны джюреги нени кёрюрге сюйсе, кёзю да аны кёрюрге ёч болады.
Ёзденликни джайгъан – джокълукъ.
Бёрю да ач къалмасын, эчки да ашалмасын.
Зар адамны насыбы болмаз.
Телини эшигин, махтау джабар.
Кёз – сюйген джерде, къол – ауругъан джерде.
Къралынгы – душмандан, башынгы от бла суудан сакъла.
Къобан да къуру да къобханлай турмайды, адам да къуру да патчахлай турмайды.
