Ашха уста, юйюнде болсун
Ашлыкъны арба юйге келтирир, чана базаргъа элтир.
Адамны артындан къара сабан сюрме.
Тёрени джагъы джокъ.
Эрни эр этерик да, къара джер этерик да, тиширыуду.
Аджашханны ызындагъы кёреди, джангылгъанны джанындагъы биледи.
Къонакъ аман болса, къонакъбай джунчур
Айран ичген – къутулду, джугъусун джалагъан – тутулду.
Аджалсыз ёлюм болмаз.
Кесинг сынамагъан затны, адамгъа буюрма.
Адеб базарда сатылмаз.
Дууулдаса – бал чибин, къонса – къара чибин.
Ауругъанны сау билмез, ач къарынны токъ билмез.
Джетген къыз джерли эшекни танымаз.
Хансыз джомакъ болмаз.
Джаш къарыу бла кючлю, къарт акъыл бла кючлю.
Артына баргъанны, къатына барма.
Ач келгенни – тойдур, кеч келгенни – къондур.
Арба аугъандан сора, джол кёргюзтюучю кёб болур.
Джауумдан сора, кюн кюйдюрюр, ётюрюкден сора, айыб кюйдюрюр.
Сабыр джетер муратха, сабырсыз къалыр уятха.
Кёзден кетген, кёлден да кетеди.
Иши джокъну, сыйы джокъ.
Къазанчы аман болса, къазаны къайнамаз.
Накъырданы арты керти болур.
Ач уят къоймаз.
Окъдан джара эртде-кеч болса да бителир, сёз джара, ёмюрге къалыр.
Сабий болмагъан джерде, мёлек болмаз.
Иги сеники эсе да, сюйген кесимикин этеме.
Билим ат болуб да чабар, къуш болуб да учар.
Ариу – кёзге, акъыл – джюрекге.
Хаухну атма, ёнгкючню сатма.
Ашына кёре табагъы, балына кёре къалагъы.
Джангыз торгъай джырламаз.
Джети тилни билген джети кишиди.
Рысхы джалгъанды: келген да этер, кетген да этер.
Босагъа таш юйге кирмей эди, тыбыр таш эшикге чыкъмай эди.
Кирсизни – саны таза, халалны – къаны таза.
Кюлме джашха – келир башха.
Намысы джокъну – дуниясы джокъ.
Садакъачыны джаны – къапчыгъында.
Ёзденликни кёбю ётюрюк.
Тойчу джашха къарама, къойчу джашха къара.
Итли къонакъ джарашмаз.
Бал ашаргъа сюе эсенг, чибин ургъаннга тёз.
Тилде сюек болмаса да, сюек сындырыр.
Юй ишлеген балта эшикде къалыр.
Чакъырылмагъан джерге барма, чакъырылгъан джерден къалма.
Кёзюнде тереги болгъан, чёбю болгъаннга кюле эди.
Тиширыусуз юй – отсуз от джагъа.
