Айыбны суу бла джууалмазса.
Аз айтсам, кёб ангылагъыз.
Алтыда кюлмеген, алтмышда кюлмез.
Чакъырылмагъан джерге барма, чакъырылгъан джерден къалма.
Къуру гыбыт бек дыгъырдар.
Ауругъанны сау билмез, ач къарынны токъ билмез.
Огъурлуну сёзю – суу, огъурсузну сёзю – уу.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тюз сёз баргъан сууну тыяр.
Ойнай билмеген, оюн бузар.
Кимни – тили, тиши онглу, кимни – къолу, иши онглу.
Борчунг бар эсе, хурджунунга ойлаб узал.
Алма терегинден кери кетмез.
Дуния мал дунияда къалады.
Ауругъаннга – кийик саулукъ, джетген къызгъа – чилле джаулукъ.
Айтхан – тынч, этген – къыйын.
Окъугъанны бети джарыкъ.
Эл ауузу – элек, анга ийнаннган – халек.
Аллахдан тилесенг, кёб тиле.
Билеги кючлю, бирни джыгъар, билими кючлю, мингни джыгъар.
Этим кетсе да, сюегим къалыр.
Билмейме деген – бир сёз
Джаным-тиним – окъуу, билим.
Къарны аманнга къазан такъдырма, къолу аманнга от джакъдырма.
Нарт сёз къарт болмаз.
Тыш элде солтан болгъандан эсе, кесинги элде олтан болгъан игиди!
Ариу сёз – къылычдан джити.
Тюкюрюк баш джармаз, налат кёз чыгъармаз!
Аллахха ийнаннган кишини, Аллах онгдурур ишин.
Къартны бурнун сюрт да, оноугъа тут.
Мадар болса, къадар болур.
Керти сёзге тёре джокъ.
Ата Джуртча джер болмаз, туугъан элча эл болмаз.
Иги джашны ышаны – аз сёлешиб, кёб тынгылар.
Келлик заман – къартлыкъ келтирир, кетген заман – джашлыкъ ёлтюрюр.
Джарлы эскисин джамаса, къууаныр.
Кесине оноу эте билмеген, халкъына да эте билмез.
Эки къатын алгъан – эки ташны ортасына башын салгъан.
Эл тойса, тоймагъан, эл къойса, къоймагъан.
Эрни эр этерик да, къара джер этерик да, тиширыуду.
Джаз бир кюнню джатсанг, къыш талай кюнню абынырса.
Уллу суу бла уллу ауруудан башынгы сакъла.
Алим болгъандан эсе, адам болгъан къыйынды.
Ёнгкюч къууана барыр, джылай келир.
Ат да турмайды бир териде.
Ариу – кёзге, акъыл – джюрекге.
Гырджын – тепсини тамадасы.
Абынмазлыкъ аякъ джокъ, джангылмазлыкъ джаякъ джокъ.
Сабийни джумушха джибер да, ызындан бар.
Илму – джашауну джолу.
