Суугъа – чабакъ, къаягъа – ыргъакъ.
Къыз тиширыу кеси юйюнде да къонакъды.
Бозанг болмагъан джерге, къалагъынгы сукъма.
Ишге юренсин къоллары, халкъ бла болсун джоллары.
Тулпарлыкъ, билекден тюл – джюрекден.
Ана кёлю – балада, бала кёлю – талада.
Джетген къыз джерли эшекни танымаз.
Ариу сёз – джаннга азыкъ, аман сёз – башха къазыкъ.
Хантына кёре тузу, юйюне кёре къызы.
Кийимни бир кюнню аясанг, минг кюннге джарар.
Бир абыннган – минг сюрюнюр.
Урунуу – насыбны анасы.
Баланы адам этген анады.
Акъыллы эркиши атын махтар, акъылсыз эркиши къатынын махтар.
Чёбню кёлтюрсенг, тюбюнден сёз чыгъар.
Айтылгъан сёз ызына къайтмаз.
Джумушакъ терекни къурт ашар.
Адам туугъан джеринде, ит тойгъан джеринде.
Кёзю сокъурдан – къоркъма, кёлю сокъурдан – къоркъ.
Халкъны джырын джырласанг, халкъ санга эжиу этер.
Кёлсюзден сёзсюз тууар.
Биреу къой излей, биреу той излей.
Мени джылытмагъан кюн, меннге тиймесин!
Тай асырагъан, атха минер.
Аз сёлешген, къайгъысыз турур.
Нафысынгы айтханын этме, намысынгы айтханын эт.
Адамны артындан къара сабан сюрме.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джюз элде джюз ёгюзюм болгъандан эсе, джюз джууугъум болсун.
Джашны джигитлиги сорулур, къызны джигерлиги сорулур.
Экеу тутушса, биреу джыгъылыр.
Арба аугъандан сора, джол кёргюзтюучю кёб болур.
Джол бла сёзню къыйыры джокъ.
Тамбла алтындан бюгюн багъыр ашхы.
Биреуге кёлтюрген таягъынг, кесинги башынга урур.
Айтханы чапыракъдан ётмеген.
Баргъанынга кёре болур келгенинг.
Тау башында, тау болмаз, джангыз терек, бау болмаз.
Уллу сёзде уят джокъ.
Уруну арты – къуру.
Атлыны ашхысы, ат тизгининден билинир
Нёгер болсанг, тенг бол, тенг болмасанг, кенг бол.
Аман къатын алгъан, арыр, иги къатын алгъан джарыр.
Къобан да къуру да къобханлай турмайды, адам да къуру да патчахлай турмайды.
Кёб къычыргъандан – къоркъма, тынч олтургъандан – къоркъ.
Экеулен сёлеше тура эселе, орталарына барыб кирме.
Кёб джашагъан – кёб билир.
Суугъа – таянма, джаугъа – ийнанма.
Онгсузну – джакъла, тенгликни – сакъла.
Тил – миллетни джаны.
