Бастасын ашагъан, хантусун да ичер.
Кёбге таш атма.
Таукел тауну аудурур.
Джогъун бар этген, барын бал этген.
Атадан ёксюз – бир ёксюз, анадан ёксюз – эки ёксюз.
Ишлемеген – тишлемез.
Тин – байлыгъынг, терен саулугъунг.
Агъач халкъгъа алтынды, иссиликге салкъынды.
Экиндини кеч къылсанг, чабыб джетер ашхам.
Насыб бютеу халкъны юлюшюдю.
Тюзлюк шохлукъну бегитир.
Биреуню къыйынлыгъы бла кесинге джол ишлеме.
Сютню башын джалагъан къутулур, тюбюн ичген тутулур.
Къумурсхала джыйылсала, пилни да джыгъадыла.
Чабакъгъа акъыл, табагъа тюшсе келеди.
Иши джокъну, сыйы джокъ.
Джангыз терек къынгыр ёсер.
Чомартха Тейри да борчлуду.
Аджал соруб келмез, келсе, къайтыб кетмез.
От кюйдюрген, сау болса да, тот кюйдюрген, сау болмаз.
Дженгил джетерикме деб, узун джолну къоюб, къысхасын барма.
Алтыда кюлмеген, алтмышда кюлмез.
Джумушакъ сёз къаты таякъны сындырыр.
Тойгъан джерге джети къайт.
Къобан да къуру да къобханлай турмайды, адам да къуру да патчахлай турмайды.
Аджашхан тёгерек айланыр.
Кесине оноу эте билмеген, халкъына да эте билмез.
Билим – акъылны чырагъы.
Булут кёкге джарашыу, уят бетге джарашыу.
Тау башында, тау болмаз, джангыз терек, бау болмаз.
Душманны тышы – акъ, ичи – къара.
Къызгъанчдан ычхыныр, мухардан ычхынмаз.
Термилгенинги табмазса, кюлгенинге тюберсе.
Акъыллы эркиши атын махтар, акъылсыз эркиши къатынын махтар.
Бал – татлы, балдан да бала – татлы.
Ханы къызы буюгъа-буюгъа киштик болду.
Ёгюзню мюйюзлери ауурлукъ этмейдиле.
Адам сёзюнден белгили.
Джолунга кёре – джюрюшюнг, джагъанга кёре – юлюшюнг.
Эллинг бла джау болсанг да, юйюнг бла джау болма.
Билимли ёлмез, билимсиз кёрмез.
Ишлегенден, къарагъан уста.
Ач къалгъандан, кеч къалгъан къолай.
Намыс сатылыб алынмайды.
Ханнга да келеди хариблик.
Акъыл бла адеб эгизледиле.
Адамны аманы адамны бети бла ойнар.
Окъугъан – асыу, окъумагъан – джарсыу.
Аурууну келиую тынч, кетиую – къыйын.
Чакъырылмагъан къонакъ къачан кетерин сормаз.
