Джаш къарыу бла кючлю, къарт акъыл бла кючлю.
Акъыл сабырлыкъ берир.
Биреуню эскиси биреуге джангы болмайды.
Эркишини аманы тиширыуну джылатыр.
Сютден ауузу кюйген, суугъа юфгюре эди.
Акъыл аздырмаз, билим тоздурмаз.
Ата – билек, ана – джюрек!
Эки ойлашыб, бир сёлешген.
Азыкълы ат арымаз, къатыны аман джарымаз.
Айтылгъан буйрукъ, сёгюлмез
Окъуусуз билим – джокъ, билимсиз кюнюнг – джокъ.
Тёрде – темир таякълы, къаяда – чыпчыкъ аякълы.
Агъач халкъгъа алтынды, иссиликге салкъынды.
Биреуню къыйынлыгъы бла кесинге джол ишлеме.
Ёгюзню мюйюзлери ауурлукъ этмейдиле.
Берекет берсин деген джерде, берекет болур.
Ачылгъан эт джабылыр, кёрген кёз унутмаз.
Адамны джюреги нени кёрюрге сюйсе, кёзю да аны кёрюрге ёч болады.
Орну джокъну – сыйы джокъ.
Садакъачыны джаны – къапчыгъында.
Ёлген ийнек сютлю болур.
Туз, гырджын аша, тюзлюк бла джаша.
Мураты болгъанны джюрек тебюую башхады.
Тилчи бир сагъатха айлыкъ хата этер.
Кёб ант этген, кёб ётюрюк айтыр.
Эринчекни аурууу – кёб.
Ариу джол аджал келтирмез.
Элиб деген, элге болушур.
Сакъ юйюне сау барыр.
Байдан умут эте, джарлыдан ёгюз багъасы къорады.
Азыгъы аз, алгъа къабар, аты аман, алгъа чабар.
Эри аманны, къатыны – аман.
Джарлы джети элни сёзюн этер.
Игини сыйлагъан адетди.
Татлы тилде – сёз ариу, чемер къолда – иш ариу.
Ашыкъгъан cуу, тенгизге джетмез.
Акъыллы эркиши атын махтар, акъылсыз эркиши къатынын махтар.
Баланы адам этген анады.
Тойгъа барсанг, тоюб бар, эски тонунгу къоюб бар.
Джыланны къуйругъундан басарынг келсе, аны башы болгъанын унутма.
Атадан ёксюз – бир ёксюз, анадан ёксюз – эки ёксюз.
Ашына кёре табагъы, балына кёре къалагъы.
Эшекге миннген – биринчи айыб, андан джыгъылгъан – экинчи айыб.
Айтхан – тынч, этген – къыйын.
Иги джашны ышаны – аз сёлешиб, кёб тынгылар.
Шапа кёб болса, аш татымсыз болур.
Онгсузну – джакъла, тенгликни – сакъла.
Сангырау къулакъ эл бузар.
Игилик игилик бла сингдирилиучю затды.
Зар адам ашынгы ашар, кесинги сатар.
