Ишге юренсин къоллары, халкъ бла болсун джоллары.
Кёл ашады да, кеси ашады.
Шайтан алдады, тюзлюк къаргъады.
Гугурук къычырмаса да, тангны атары къалмаз.
Эри аманны, къатыны – аман.
Биреуге аманлыкъны тилеме да, кесинге ашхылыкъны тиле.
Бет бетге къараса, бет да джерге къарар.
Билеги кючлю, бирни джыгъар, билими кючлю, мингни джыгъар.
Башсыз урчукъ тюзюне айланмаз.
Сёлеш деб шай берген, тохта деб, сом берген.
Айныгъанлы алты кюн, тогъайгъанлы тогъуз кюн.
Кёзден кетген, кёлден да кетеди.
Сакъламагъан затынга джолукъсанг, не бек къууанаса, не бек ачыйса.
Хар зат кесини орнуна иги.
Айтхан сёзюне табылгъан.
Ёзденликни джайгъан – джокълукъ.
Эринчекни аурууу – кёб.
Аз айтсам, кёб ангылагъыз.
Джангыз торгъай джырламаз.
Тил джюрекге джол ишлейди.
Арыгъан къош чамчы болур.
Къарнынг бла ёч алма.
Тойну къарнашы – харс, джырны къарнашы – эжиу.
Джогъун бар этген, барын бал этген.
Чалманны аллы къалай башланса, арты да алай барады.
Джылкъыдан – ат чыгъар, тукъумдан – джаш чыгъар.
Ушамагъан – джукъмаз.
Керилген да, ургъан кибикди.
Билим – акъылны чырагъы.
Къатын къылыкъсыз, эр тынчлыкъсыз.
Гыдай эчки суугъа къараб, мюйюзле кёрмесе, джашма алкъын, дегенди.
Эринчекни эр алмаз, эр алса да, кёл салмаз, кёл салса да, кёб бармаз!
Аз сёлешген, къайгъысыз турур.
Адам сёзюнден белгили.
Байлыкъ адамны сокъур этер.
Чабакъгъа акъыл, табагъа тюшсе келеди.
Чомартха Тейри да борчлуду.
Эшекге миннген – биринчи айыб, андан джыгъылгъан – экинчи айыб.
Дуния малгъа сатылма, кесингден телиге къатылма.
Къызны минг тилер, бир алыр.
Кёбге таш атма.
Эрни эр этерик да, къара джер этерик да, тиширыуду.
Мен да «сен», дейме, сен да «кесим», дейсе.
Атынг аманнга чыкъгъандан эсе, джанынг тамагъынгдан чыкъсын.
Баланы адам этген анады.
Нарт сёз – тилни бети.
Ёмюрлюк шохлукъну джел элтмез.
Къанны къан бла джуума, аманны аман бла къуума.
Юреннген ауруу къалмаз.
Огъурлуну сёзю – суу, огъурсузну сёзю – уу.
