Термилгенинги табмазса, кюлгенинге тюберсе.
Халкъны джырын джырласанг, халкъ санга эжиу этер.
Хаухну атма, ёнгкючню сатма.
Джюрекге ариу – кёзге да ариу.
Тойгъанлыкъ къойгъа джарашады.
Къонакъ аман болса, къонакъбай джунчур
Насыблы элин сюер, насыбсыз кесин сюер.
Адам боллукъ, атламындан белгили болур.
Сакъламагъан затынга джолукъсанг, не бек къууанаса, не бек ачыйса.
Накъырда – кертини келечиси.
Экеу тутушса, биреу джыгъылыр.
Джеринден айырылгъан – джети джылар, джуртундан айырылгъан – ёлгюнчю джылар.
Джарлы эскисин джамаса, къууаныр.
Чомартха хар кюн да байрамды.
Окъугъан озар, окъумагъан тозар.
Баш болса, бёрк табылыр.
Аджал соруб келмез, келсе, къайтыб кетмез.
Эрни эр этерик да, къара джер этерик да, тиширыуду.
Кюн – узун, ёмюр – къысха.
Айтылгъан сёз ызына къайтмаз.
Чомарт бергенин айтмаз.
Агъач халкъгъа алтынды, иссиликге салкъынды.
Бетинги сатма, малынгы сат.
Айтханы чапыракъдан ётмеген.
Садакъачыны джаны – къапчыгъында.
Атадан ёксюз – бир ёксюз, анадан ёксюз – эки ёксюз.
Нарт сёз – тилни бети.
Эте билген, этген этеди, эте билмеген, юретген этеди!
Ач бёрюге мекям джокъ.
Тынгылагъан тынгы бузар.
Баш – акъыл ючюн, акъылман – халкъ ючюн.
Аякъларынгы джууургъанынга кёре узат.
Ойнай билмеген, оюн бузар.
Къызгъанчдан ычхыныр, мухардан ычхынмаз.
Ариу джол аджал келтирмез.
Ашына кёре табагъы, балына кёре къалагъы.
Хоншуну тауугъу къаз кёрюнюр, келини къыз кёрюнюр.
Джаш къарыу бла кючлю, къарт акъыл бла кючлю.
Огъурлуну сёзю – суу, огъурсузну сёзю – уу.
Сескекли кесин билдирир.
Аш хазыр болса, иш харам болур.
Элде адам къалмаса, ит тахтагъа минер.
Насыб бютеу халкъны юлюшюдю.
Ата – билек, ана – джюрек!
Ёгюзню мюйюзлери ауурлукъ этмейдиле.
Байлыкъ тауусулур, билим тауусулмаз.
Къарыусузгъа кюлме, онгсузгъа тийме.
Азыгъы аз, алгъа къабар, аты аман, алгъа чабар.
Къарт болгъан джерде, берекет болур, сабий болгъан джерде, оюн болур.
Ашатыргъа иш – ашхы, ишлетирге аш – ашхы.
