Войти на сайт
11 Мая 2026 года

 

  • Адам къаллай бир ишленмесе, аллай бир кесин уллу кёреди.
  • Аякъларынгы джууургъанынга кёре узат.
  • Къыйынлы джети элни къайгъысын этер.
  • Эки элинги тыйсанг, джети элде махталырса.
  • Накъырданы арты керти болур.
  • Суугъа – таянма, джаугъа – ийнанма.
  • Битмегеннге сакъал – танг.
  • Къатын къылыкъсыз, эр тынчлыкъсыз.
  • Юйюнг бла джау болгъандан эсе, элинг бла джау бол.
  • Къартны сыйын кёрмеген, къартлыгъында сыйлы болмаз.
  • Суугъа – чабакъ, къаягъа – ыргъакъ.
  • Хатерли къул болур.
  • Хантына кёре тузу, юйюне кёре къызы.
  • Чыбыкълыкъда бюгюлмеген, къазыкълыкъда бюгюлмей эди.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Ариу сёз – джаннга азыкъ, аман сёз – башха къазыкъ.
  • Магъанасыз сёз – тауушсуз сыбызгъы.
  • Рысхы джалгъанды: келген да этер, кетген да этер.
  • Ашхы болсанг, атынг чыгъар, аман болсанг, джанынг чыгъар.
  • Оюмсуз атлагъан, аджалсыз ёлюр.
  • Кесинге джетмегенни, кёб сёлешме.
  • Сабийни джумушха джибер да, ызындан бар.
  • Айыбны суу бла джууалмазса.
  • Ач къарным, тынч къулагъым.
  • Узун джолну барсанг, бюгюн келирсе, къысха джолну барсанг, тамбла келирсе.
  • Таукел тауну аудурур.
  • Бети – къучакълар, джюреги – бычакълар.
  • Сууда джау джокъ, кёб сёзде магъана джокъ.
  • Юре билмеген ит, къонакъ келтирир.
  • Кёзюнде тереги болгъан, чёбю болгъаннга кюле эди.
  • Къонакъ аз олтурур, кёб сынар.
  • Шапа кёб болса, аш татымсыз болур.
  • Тынгылагъан тынгы бузар.
  • Чомартны къолун джокълукъ байлар.
  • Тин – байлыгъынг, терен саулугъунг.
  • Артына баргъанны, къатына барма.
  • Билим ат болуб да чабар, къуш болуб да учар.
  • Чарсда алчыны эл кёреди.
  • Кирсизни – саны таза, халалны – къаны таза.
  • Ишлегенден, къарагъан уста.
  • Чомарт къонакъ юй иесин сыйлар.
  • Кесинг сынамагъан затны, адамгъа буюрма.
  • Аман киши кеси юйюнде – къонакъ.
  • Чакъырылмай келген къонакъ сыйланмай кетер.
  • Джюрекден джюрекге джол барды.
  • Аман адамны тепсинге олтуртсанг, къызынгы тилер.
  • Ишлегенде эринме, ишде чолакъ кёрюнме.
  • Ашха уста, юйюнде болсун
  • Билим къая тешер.
  • Билим – акъылны чырагъы.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 21 22 23 24 25 ... 62 След.
RSS
Келигиз, тил байлыгъыбызны сакълайыкъ!
 
#551
Джаратама0
24.03.2008 19:44:42
Ала ,Минги-Тауну теппесин къазыб ,белкъау этиб .ачыуланыб ,гыйы-гыйы къаяланы къобара тургъан ДЖелмаузну кередиле. Ариу Кюнкъыз, нюр чырайын тийириб, Минги-Тауну ортасын айры эте, от солуй тургъан ДЖелмаузну уютуб,къарышдырыб ,солугъан отун сууутханды. Нарт уланы да сегизатар садкъдан сегиз окъну учургъанды. Отлу окъла тийген ДЖелмауз кебюб дингиз болуб ,къызыб атылыб джарылгъанды. Минги-Тау да андан бери эки башлы болуб къалгъанды дейдиле.



Сибил нарла да чаба джорта ,Сибилтиге джетгендиле,
Сибилтиде къонушлары Минги-Таугъа келгендиле,
Тауну айрысын керюб ,нек болгънын билгендиле,
Къууанч тоюн къура , Къала-Тауна киргендиле,
Туугъан нарт уланнга Ерюзмек аталыб,
Бир кюннге есюб ,деу нарт болгъанын кергендиле.
Эркли асселикде туууб есген Ерюзмек,
Къала-Тауда ишлейд кесине ерюз ,теджюк керек,
ДЖолгъа чыгъаргъа керек кюннге болурча бек.
Сонгура не эрки, не асселиги болмагъан биреу--
ОЛ а Бурунгук --тилеб Къала-Тауна киргенди,
Излей келиб кесине джалынчакъ кюннге тиреу,
Ерюзмекни да ким болгънын ол алайда билгенди,
Ерюзмекден джанына джашау турукъ тилегенди,
Тарыкъ джерими да сеннге берейим дегенди,
Аны келюн чапырыр дыгаласла излегенди.
Алай а Ерюзмек аны да хош ,табу кермегенди.


Кесе Бурунгук да аны ангылаб, Тарыкъ таулада Бугъоулу ---Дорбунда джашырылыб тургъан, дуния сейири ариу Аргуну да берейим деб ,дагъыда джалыннганды . Ерюзмек да сибил нартланы бир белеги бла Тарыкъ таулагъа баргъанды . Бугъоу-Дорбунда кюн кермей джашагъан ариу Аргугъа бошлукъ бериб, алайда аны алыб джашай, тарыкъ сибил нартланы ерюзю болгъанды.
Кесе Бурунгукну уа сибил нартла ,накъутдан тойсун деб, Накъут-Дорбунда иштенекде ишлетир ючюн ,сау къойгъандыла.
Нартланы джурту КЪала-Тауну уа КЪонуш-ДЖуртда къала тюбю бюгюнлюкге деричин сакъланнганды дейдиле.
 
 
 
#552
Джаратама0
24.03.2008 20:31:51
Ала ,Минги-Тауну теппесин къазыб ,белкъау этиб .ачыуланыб ,гыйы-гыйы къаяланы къобара тургъан ДЖелмаузну кередиле. Ариу Кюнкъыз, нюр чырайын тийириб, Минги-Тауну ортасын айры эте, от солуй тургъан ДЖелмаузну уютуб,къарышдырыб ,солугъан отун сууутханды. Нарт уланы да сегизатар садкъдан сегиз окъну учургъанды. Отлу окъла тийген ДЖелмауз кебюб дингиз болуб ,къызыб атылыб джарылгъанды. Минги-Тау да андан бери эки башлы болуб къалгъанды дейдиле.
Сейир хапар, керти да былай болгъан болурму?
 
 
 
#553
Джаратама0
24.03.2008 20:49:36
алчадакъ, бегеуюл, бекгич, шынтачы, белкъау
 
 
 
#554
Джаратама0
24.03.2008 21:46:51
Сорвиголова

бегеуюл- бегейиул- укрепление.
шынтачы шынтаг дерге излеген болур эдинг- шынтаг-нитки, пряжа.
 
 
 
#555
Джаратама0
24.03.2008 22:12:26
Кергелен
Бек ариу таурух айтдынг сау бол Джангы сёзле да билдик, тюзюн айтсам мен бир-бирлерин сёзлюкде да табмадым
 
 
 
#556
Джаратама0
24.03.2008 22:19:55
Кергелен
Байчы да , мычымай , танг аласы бла сибил нартлагъа , Бурунгукну хыйласын айтыб , ачы-ачы къычырыб , уллу той - оюндан сонгура соругъуб джукълагъан нартланы уятханды , сезюне тынгылатханды .
Танг аласы бла къычыргъан эшитсем, къарт анам, байчыды ол дегенлей турады. Ол байчыны юсюнденмиди, огъесе?
 
 
 
#557
Джаратама0
25.03.2008 17:21:13
Салам Таулула!

Таурухну иги окъудугъузму? ОКъугъан атыгъызны джаза кетигиз !

Кириб окъумай чыкъгънны керюб турама


Танг аласы бла къычыргъан эшитсем, къарт анам, байчыды ол дегенлей турады. Ол байчыны юсюнденмиди, огъесе?

Къарт анагъ тюз айтады.

Байчы къычырса --ОЙ , НЕ . ? --дерге джарамайды.
Байчы , Байчы ,--дерге керекди.
 
 
 
#558
Джаратама0
25.03.2008 17:58:24
ХАПАР.


Тау къышлыкълагъа джангы эл ишлеге чыкъгъан эдик. Чалкъы джетсе айтыучан эдиле алай. ДЖайлыкъда КЪоджакъ Тюбю деген джердебиз. Мен ийнекге ,бузоугъа къарайма, къалгаън ишге джарайма деб билмейме. Хаман да кереме : бир агъазчыкъ уясындан чыгъыб, эшикге чабады, сора- ызына. Къуру алай этиб турады, баласына къоркъгъанды да. Анга тийген киши да джокъду.
Бир кюн уллу джангур джауб , чалкъычыланы къошха джыйды.
ДЖашла эригиб , ойнаб , джырлаб тебредиле. Бирлери айтды: "Келигиз , агъазны баласын урлайыкъ, анга тийген сау къалмайды , дейдиле ,- бир сынайыкъ"--деб. Марлаб туруб , агъаз джанлагъанлай , баласын урлайдыла. ДЖарлы ана бир къайгъыгъа кириу этеди, баласын кермегенинде. Чыртданда чыдам табалмай, адамланы аралары бла да чабады. Бичен баш четен къошчугъубузну юй тюбюнден аркъауун кетлюрюб тургъан быкъы бар эди , агъаз , анга миниб, сютбашы челекге тамызады. Тамадабыз урушду, разы болдугъзму энди деб. Агъазны къабханы, тамызгъаны да ууду, билебиз. ДЖашла акъыртын балачыкъны орнуна салдыла. Келиб баласын эслегенлей , быкъыгъа ерлеб челекни джантау баун ашаб, сютбашыны сютбашыны джерге ийиб чачды. Сейир- тамаша болгъан джашла , юй тюбюн сибириб алыб. сютбашыны таз бла элтиб ит тегенеге къуйдула. Итлени бири джетиб андан джалаб тебреди. Ийнаныгъыз, ашаб да бошагъынчы, ит елюб къалды.
Экинчи джашла агъазны баласына тиймей эдиле.
 
 
 
#559
Джаратама0
25.03.2008 20:42:57
Кергелен
Бу хапарны мен да билеме! Къарнашларым чалкъыны юсюнден хапар айтсала, бу хапарны да айтыучандыла.
 
 
 
#560
Джаратама0
25.03.2008 21:14:51
агъаз - ласка ушайды? Алыб къарасанг ётюрюк хапарды дерге да боллукъду, алай а, ата-бабаларыбыздан келген хапар эсе, бюгюн да джаш адамла аны биле эселе, тюз болур. Къалай сейирди джашау!
 
 
 
#561
Джаратама0
25.03.2008 21:26:44
Кергелен
Байчы къычырса --ОЙ , НЕ . ? --дерге джарамайды.
Байчы , Байчы ,--дерге керекди.
А ой, не десенг не болады? Къарт анам айтханнга кёре, джукъ айтсанг, неда эшикге чыкъсанг ол ауазгъа адам акъылындан тюрленирге боллукъду дейди. Игиликге къычыр - дерге керекди дейди ання. Сора дагъыда, танг аласы бла байчы къычыргъандыда, бир бек къоркъуб турама кишиге джукъ болмай къалгъа эди, дегенлени талай кере эшитгенме.
 
 
 
#562
Джаратама0
25.03.2008 21:36:44
Акъыллычыкъ
Аннячыгъынъ тюз айтады.
Байчы билдирген этеди ,сакъ бол деб.
Кече арасында зат да къычырыб, адам ешикге чыгъаргъа боллкъду,къоркъаргъа боллукъду, Байчы къычырса тюнюнъдеча къычырады. ДЖуукъ адамча къчырыргъа бо.ллукъду.
 
 
 
#563
Джаратама0
25.03.2008 21:37:57
А ой, не десенг не болады?

Ырысды.
 
 
 
#564
Джаратама0
26.03.2008 19:47:35
Кергелен
Сау бол, билдим энди кимге сора турургъа. Ансын аннямы башын къайнатханма.
 
 
 
#565
Джаратама0
26.03.2008 20:46:02
Кергелен
Мен да бир джазайым окъугъан хапарларымдан бирин, керти сейир хапарды бу:
Айю бек акъыллы джаныуарды. Хар затны да эсеблеб джюрюйдю. Аны ючюн айтадыла, былай этер ишин джашырыб, хар затны алгъадан билиб тургъан адамны юсюнден ол айю акъыллыды деб. Ол да, адамча, нени да ашайды - этни да, кёгетлени да.
Айю алгъын тиширыу болгъанды деучю эдиле къартла. Не хата, не гюнях иш этген эсе да, Тейрини чамландыргъанды да, ол аны джаныуар этиб къойгъанды. Ма аны себебли айю тиширыулагъа тиймейди. Айю тиширыуну ашайма деб чабса да, ол анга ёшюнюн ачханлай, аны тиширыу болгъанын билиб, тохтаб къалады деучю эдиле, керти, ётюрюк эсе да.
 
 
 
#566
Джаратама0
27.03.2008 00:43:55
Салам ана тилин сюйгенлеге!!!!Акъыллычыкъ


Аламат хапарчыкъ. Ма алай аз -аз джаза турсакъ бек да ашхы боллукъ эди.
Адам бир-эки зат окъгъанлай болгъанны да билиб къоялмайды ,иги билир ючюн 4-5 кере талай замандан окъургъа керекди.
 
 
 
#567
Джаратама0
27.03.2008 13:52:31
Акъыллычыкъ
Айю алгъын тиширыу болгъанды деучю эдиле къартла. Не хата, не гюнях иш этген эсе да, Тейрини чамландыргъанды да, ол аны джаныуар этиб къойгъанды.
Эшитмеген эдим тоба быллай хапар Сейир затны айтдынг. Бу миф болса да сагъышландырырчады, уучулагъа бир сорургъа керекди
 
 
 
#568
Джаратама0
27.03.2008 14:09:35
ЗИЙДАННГА АТЫУ.


КЪарачайда аман айланнган адамланы зийданнга атхандыла неда, бетлерин къазан къара бла бояб ,эшекге миндириб( экисин да бир эшекге, сыртларын бир-бирине тиреб миндиргендиле) орамда айландыргъандыла,-ыйлыкъдырыргъа.
1814 джыл ДЖазлыкъда ДЖаухарат деб бир тышырыуну зийданнга атхандыла. Зийдан хуюча, терен, адам кенглиги сыйынырча бир къазылгъанды. Терслик этген аны ичинде ерге туруб тургъанлайына , хар озгъан бир таш атыб , башын джабхандыла.
Таш атмай озгъан адамны кесин зийданнга атхандыла. ДЖаухаратны Зийданнга атханларындан сора ,аны атын сабийлеге атамагъандыла , ол джашагъан юйню юсю бла озсала, Астагъафируллах деб бетлерин джабыб озгъандыла.
 
 
 
#569
Джаратама0
27.03.2008 19:33:39
Девушка Гор
уучулагъа бир сорургъа керекди
Бизге да бир джазарса аланы айтханларын, мен да сейир болгъанма.
 
 
 
#570
Джаратама0
27.03.2008 21:40:00
КЪАРА БАГЪАНА.


КЪара багъанагъа Къарачайда къуру эркишилени сюегендиле. Къара багъангъа амнлыкъ этген адамны байлагъандыла.
Бир джолда Чеккуланы Наурузну джашы Акъчыкъ ,сабий заманында, озуб бара, къара багъанагъа байланыб тургъан бир адамны эслегенди . Бир мыртазакъ да аны сакълаб тура, арлакъда ,эригиб, баш къагъа.
---ДЖашчыкъ, хазыр орнумда юч сомум барды, аны да ал, мени да ары бир ий,- деб шыбырдагъанды къара багъанагъа байланыб турган адам.
ДЖашчыкъ, Чекку улу Акъчыкъ,юч сомну да алады, тасманы тешиб, багънагъа урулгъанны бошлайды, кеси къачыб кетеди. Ол адам бир сыртлыкъны ерге къачады. КЪобандан етюб, кюн бет бла Дууут таба мыллык атады. Сау эл аны ызындан сюреди,джеталмайдыла, энди ол джерни аты КЪачхан сыртды.
 
 
 
#571
Джаратама0
27.03.2008 21:40:54
ЗИЙДАННГА АТЫУ- зидан - темница дегенликлеримиди
 
 
 
#572
Джаратама0
28.03.2008 00:40:08
Акъыллычыкъ
зидан - темница


Огъай, ол анданбытдырды.
 
 
 
#573
Джаратама0
28.03.2008 17:21:39
Кергелен
Огъай, ол анданбытдырды.
Ол дегенинг? Айтмазчамыды адамгъа?
 
 
 
#574
Джаратама0
28.03.2008 17:32:32
Салам .

Акъыллычыкъ
Ол дегенинг? Айтмазчамыды адамгъа

ДЖаным темницагъа атсала адамны- гырджын , суу бергендиле.

Башинда хапарны иги окъу .
Адам сыйынырча чуннъур къазыб , сора хар къаты бла етген таш атыб баргъанды. Алай адам джаны саулай ташла бла бастырылыб къалгъанды.
 
 
 
#575
Джаратама0
28.03.2008 17:39:54
Адам сыйынырча чуннъур къазыб , сора хар къаты бла етген таш атыб баргъанды. Алай адам джаны саулай ташла бла бастырылыб къалгъанды.
Ол къатылыкъгъа бир къара. Алай а, анга кёре ол сагъатны адамлары адетледен таймагъандыла, адеблерин кючлю сакълагъандыла.
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 21 22 23 24 25 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.