Олтуруб кёрюнмей эди да, ёрге туруб кёрюне эди.
Дуния малгъа сатылма, кесингден телиге къатылма.
Окъуусуз билим – джокъ, билимсиз кюнюнг – джокъ.
Эр абынмай, эл танымаз.
Иши джокъну, сыйы джокъ.
Байма, деб да, къууанма, джарлыма, деб да, джылама.
Чакъырылмагъан къонакъ – орунсуз.
Арпа, будай – ащды, алтын, кюмюш а – ташды.
Сабий кёргенин унутмаз.
Билим ат болуб да чабар, къуш болуб да учар.
Уллу къашыкъ эрин джыртар.
Ач къарным, тынч къулагъым.
Тин – байлыгъынг, терен саулугъунг.
Тойгъан джерге джети къайт.
Ашда – бёрю, ишде – ёлю.
Сабийни джумушха джибер да, ызындан бар.
Тойну къарнашы – харс, джырны къарнашы – эжиу.
Нёгер болсанг, тенг бол, тенг болмасанг, кенг бол.
Аманнга алтын чыдамаз.
Хазыр ашха – терен къашыкъ.
Ойнай-ойнай кёз чыгъар.
Тёгюлген тюгел джыйылмайды.
Ата – билек, ана – джюрек!
Гыдай эчки суугъа къараб, мюйюзле кёрмесе, джашма алкъын, дегенди.
Ышармагъан – кюлмез, кюлмеген – къууанчны билмез.
Ашыкъгъан cуу, тенгизге джетмез.
Суугъа – чабакъ, къаягъа – ыргъакъ.
Душманны тышы – акъ, ичи – къара.
Акъыл къартда, джашда тюйюлдю – башдады.
Элге къуллукъ этмеген, элге ие болмаз.
Джолунга кёре – джюрюшюнг, джагъанга кёре – юлюшюнг.
Ариу сёз джыланны орнундан чыгъарыр.
Ёксюзню къалачы уллу кёрюнюр.
Башланнган иш битер, къымылдагъан тиш тюшер.
Сютден ауузу кюйген, суугъа юфгюре эди.
Билим къая тешер.
Айтханы чапыракъдан ётмеген.
Джашда акъыл джокъ, къартда къарыу джокъ.
Биреу къой излей, биреу той излей.
Къууут – джелге, берне – бошха.
Къар – келтирди, суу – элтди.
Къонакъ хазыр болгъанлыкъгъа, къонакъбай хазыр тюлдю.
Байны оноуу, джарлыгъа джарамаз.
Сёз – кюмюш, джыр – алтын.
Тили узунну, намысы – къысха.
Билмейме деген – бир сёз
Билгенни къолу къарны джандырыр.
Намысы джокъну – дуниясы джокъ.
Сёз сёзню айтдырыр.
Халкъны джырын джырласанг, халкъ санга эжиу этер.
