Ойнай билмеген, уруб къачар.
Башынга джетмегенни сорма.
Ата джурт – алтын бешик.
Адам сёзюнден белгили.
Тели турса – той бузар.
Билмегенинги, билгеннге сор.
Чакъырылгъанны аты, чакъырылмагъанны багъасы болур.
Ётюрюкню башын керти кесер.
Чомартха Тейри да борчлуду.
Окъугъан озар, окъумагъан тозар.
Узун джолну барсанг, бюгюн келирсе, къысха джолну барсанг, тамбла келирсе.
Къарт айтханны этмеген, къартаймаз.
Къалгъан ишге къар джауар.
Билим – акъылны чырагъы.
Ач уят къоймаз.
Ёксюзню тилеги къабыл болур.
Кёбню кёрген – кёб билир.
Бек анасы джыламаз.
Аз айтсам, кёб ангылагъыз.
Ишни ахырын ойламай, аллын башлама.
Накъырданы арты керти болур.
Сабий болмагъан джерде, мёлек болмаз.
Аллахдан тилесенг, кёб тиле.
Эки къатын алгъан – эки ташны ортасына башын салгъан.
Эте билген, этген этеди, эте билмеген, юретген этеди!
Ёксюзню къалачы уллу кёрюнюр.
Джаралыны джастыгъында сау ёлюр.
Юре билмеген ит, къонакъ келтирир.
Тамбла алтындан бюгюн багъыр ашхы.
Баш – акъыл ючюн, акъылман – халкъ ючюн.
Намыс болмагъан джерде, насыб болмаз.
Эринчекге кюн узун.
Аман киши кеси юйюнде – къонакъ.
Ёзденликни кёбю ётюрюк.
Ёгюзню мюйюзлери ауурлукъ этмейдиле.
Нарт сёз къарт болмаз.
Хата – гитчеден.
Джолунга кёре – джюрюшюнг, джагъанга кёре – юлюшюнг.
Къозулугъунда тоймагъан, къойлугъунда тоймаз.
Кесинге джетмегенни, кёб сёлешме.
Баш болса, бёрк табылыр.
Ашхы атаны – джашы ашхы, ашхы ананы – къызы ашхы.
Байма, деб да, къууанма, джарлыма, деб да, джылама.
Къонакъ кёб келюучю юйню, къазаны отдан тюшмез.
Уллу сёзде уят джокъ.
Ач, тоймам, дейди, тойгъан, ач болмам, дейди.
Айныгъанлы алты кюн, тогъайгъанлы тогъуз кюн.
Сакъалы текени да бар, мыйыгъы киштикни да бар.
Иги бла джюрюсенг, джетерсе муратынга, аман бла джюрюсенг, къалырса уятха.
Эм ашхы къайын ана мамукъ бла башынгы тешер.
