Юйюнгден чыкъдынг – кюнюнгден чыкъдынг.
Аман къатын сабий табса, бий болур…
Ашда уялгъан – мухар, ишде уялгъан – хомух.
Эринчекни эр алмаз, эр алса да, кёл салмаз, кёл салса да, кёб бармаз!
Ойнай-ойнай кёз чыгъар.
Акъыл къартда, джашда тюйюлдю – башдады.
Ханнга да келеди хариблик.
Къайгъыны сюйген, къайгъы табар.
Атлыны ашхысы, ат тизгининден билинир
Узун джолну барсанг, бюгюн келирсе, къысха джолну барсанг, тамбла келирсе.
Акъдан къара болмаз.
Зар адамны насыбы болмаз.
Тулпарлыкъ, билекден тюл – джюрекден.
Аурууну келиую тынч, кетиую – къыйын.
Кёзю сокъурдан – къоркъма, кёлю сокъурдан – къоркъ.
Рысхы – насыбха къор.
Адамны джюреги нени кёрюрге сюйсе, кёзю да аны кёрюрге ёч болады.
Джиби бир къат джетмей эди да, эки къат тарта эди.
Чоюнну башы ачыкъ болса, итге уят керекди.
Арыгъан къош чамчы болур.
Олтуруб кёрюнмей эди да, ёрге туруб кёрюне эди.
Аманны эки битли тону болур, бирин сеннге кийдирир, бирин кеси киер.
Игилик игилик бла сингдирилиучю затды.
Мал ёлсе, сюек къалыр, адам ёлсе, иши къалыр.
Ариу – кёзге, акъыл – джюрекге.
Джашны джигитлиги сорулур, къызны джигерлиги сорулур.
Сагъыш – къартлыкъгъа сюйюмчю.
Баш – акъыл ючюн, акъылман – халкъ ючюн.
Билим къая тешер.
Билимден уллу байлыкъ джокъду.
Ана кёлю – балада, бала кёлю – талада.
Тойчу джашха къарама, къойчу джашха къара.
Эм уллу байлыкъ – джан саулукъ.
Дженгил джетерикме деб, узун джолну къоюб, къысхасын барма.
Къарнынг къанлынга кийирир.
Миллетни бойну – базыкъ, аны бла кюрешген – джазыкъ.
Ач келгенни – тойдур, кеч келгенни – къондур.
Ышармагъан – кюлмез, кюлмеген – къууанчны билмез.
Баргъанынга кёре болур келгенинг.
Ёксюзню къалачы уллу кёрюнюр.
Сёз сёзню айтдырыр.
Хата – гитчеден.
Ишленмеген джаш – джюгенсиз ат, ишленмеген къыз – тузсуз хант.
Бёрю да ач къалмасын, эчки да ашалмасын.
Таукел адам тау тешер.
Аман адам этегингден тутса, кес да къач.
Уллу айтханны этмеген – уллаймаз.
Дуния малгъа сатылма, кесингден телиге къатылма.
Аллахдан тилесенг, кёб тиле.
Аз сёлеш, кёб ишле.
