Таш бла ургъанны, аш бла ур.
Халкъны юйю – туугъан джери.
Иги джашны ышаны – аз сёлешиб, кёб тынгылар.
Таукел къуру къалмаз.
Соргъан айыб тюлдю, билмеген айыбды.
Киштикге къанат битсе, чыпчыкъ къалмаз эди.
Ойнай билмеген, уруб къачар.
Тау башында, тау болмаз, джангыз терек, бау болмаз.
Таукелге нюр джауар.
Уясында не кёрсе, учханында аны этер.
Керек ташны ауурлугъу джокъ.
Накъырданы арты керти болур.
Ариуну – ауруу кёб.
Къонакъ кёб келюучю юйню, къазаны отдан тюшмез.
Тилсиз миллет джокъ болур.
Таякъ этден ётер, тил сюекден ётер.
Намыс сатылыб алынмайды.
Къан бла кирген, джан бла чыгъар.
Эли джокъну – кёлю джокъ.
Этим кетсе да, сюегим къалыр.
Экеу тутушса, биреу джыгъылыр.
Танг атмайма десе да, кюн къоярыкъ тюйюлдю.
Окъумагъан сокъурду, сокъур ташха абыныр!
Кёб ант этген, кёб ётюрюк айтыр.
Иесиз малны бёрю ашар.
Адам сёзге тынгыла, акъыл сёзню ангыла.
Джашлыкъ этмеген, башлыкъ этмез.
Аллахдан тилесенг, кёб тиле.
Эки элинги тыйсанг, джети элде махталырса.
Бетинги сатма, малынгы сат.
Байлыкъ тауусулур, билим тауусулмаз.
Джюз элде джюз ёгюзюм болгъандан эсе, джюз джууугъум болсун.
Акъылсызны джууукъгъа алма, акъыллыны кенгнге салма.
Гырджын – тепсини тамадасы.
Рысхы – сют юсюнде кёмюк кибикди.
Джылар джаш, атасыны сакъалы бла ойнар.
Хар ишни да аллы къыйынды.
Чомарт къонакъ юй иесин сыйлар.
Чабакъ башындан чирийди.
Ишлерге уял да, ашаргъа табма.
Къууут – джелге, берне – бошха.
Ёлмесенг да, къарт дамы болмазса?
Ариу сёз – къылычдан джити.
Мадар болса, къадар болур.
Джаз бир кюнню джатсанг, къыш талай кюнню абынырса.
Гыдай эчки суугъа къараб, мюйюзле кёрмесе, джашма алкъын, дегенди.
Биреу ашаб къутулур, биреу джалаб тутулур.
Биреуню тёрюнден, кесинги эшик артынг игиди.
Ичимден чыкъды хата, къайры барайым сата?
Арбаз къынгырды да, ийнек сауалмайма.
