Къонагъынгы артмагъын алма да, алгъышын ал.
Туз, гырджын аша, тюзлюк бла джаша.
Ёгюзню мюйюзюнден тутадыла, адамны сёзюнден тутадыла.
Тойчу джашха къарама, къойчу джашха къара.
Тойну къарнашы – харс, джырны къарнашы – эжиу.
Ашхы атаны – джашы ашхы, ашхы ананы – къызы ашхы.
Тили узунну, намысы – къысха.
Азыгъы аз, алгъа къабар, аты аман, алгъа чабар.
Сагъыш – къартлыкъгъа сюйюмчю.
Джюрек кёзден алгъа кёрюр.
От кюйдюрген, сау болса да, тот кюйдюрген, сау болмаз.
Ашаса, ашамаса да, бёрюню ауузу – къан.
Кесине гебен этелмеген, биреуге черен эте эди.
Сангырау къулакъ эл бузар.
Аман киши кеси юйюнде – къонакъ.
Халкъны юйю – туугъан джери.
Къыйынлы джети элни къайгъысын этер.
Термилгенинги табмазса, кюлгенинге тюберсе.
Шайтан алдады, тюзлюк къаргъады.
Игини сыйлагъан адетди.
Арпа, будай – ащды, алтын, кюмюш а – ташды.
Мал тутхан – май джалар.
Ёксюзню тилеги къабыл болур.
Ашда уялгъан – мухар, ишде уялгъан – хомух.
Джыйырма къойну юч джыйырма эбзе кюте эди.
Арба аугъандан сора, джол кёргюзтюучю кёб болур.
Ашхы – джыяр, аман – джояр.
Кёрмегеннге кебек – танг, битмегеннге сакъал – танг.
Кюлме джашха – келир башха.
Керек ташны ауурлугъу джокъ.
Оюмсуз атлагъан, аджалсыз ёлюр.
Джаханимни кёрмей, джандетге кёл салмазса.
Къызны минг тилер, бир алыр.
Эки элинги тыйсанг, джети элде махталырса.
Иги – алгъыш этер, аман – къаргъыш этер.
Тюзлюк шохлукъну бегитир.
Акъыллы башны – тили къысха.
Акъыл бла адеб эгизледиле.
Ёлген ийнек сютлю болур.
Ойнай билмеген, оюн бузар.
Биреу ашаб къутулур, биреу джалаб тутулур.
Ётюрюкден тюбю джокъ, кёлтюрюрге джиби джокъ.
Адамны аты башхача, акъылы да башхады.
Урама да – ёледи, сатама да – келеди.
Къайтырыкъ эшигинги, къаты уруб чыкъма.
Бек анасы джыламаз.
Накъырда – кертини келечиси.
Ушамагъан – джукъмаз.
Аман адамны тепсинге олтуртсанг, къызынгы тилер.
Чалманны аллы къалай башланса, арты да алай барады.
