Тик ёргени, тик энгишгеси да болады.
Ханы къызы буюгъа-буюгъа киштик болду.
Джумушакъ сёз къаты таякъны сындырыр.
Киштикге къанат битсе, чыпчыкъ къалмаз эди.
Билмезни кёзю кёрмез, этмезни къулагъы эшитмез.
Ата Джуртун танымагъан, атасын да танымаз.
Джол бла сёзню къыйыры джокъ.
Тюз сёз баргъан сууну тыяр.
Окъугъан озар, окъумагъан тозар.
Тенгинг джокъ эсе – изле, бар эсе – сакъла!
Хоншуну тауугъу къаз кёрюнюр, келини къыз кёрюнюр.
Борчунг бар эсе, хурджунунга ойлаб узал.
Джаралыны джастыгъында сау ёлюр.
Акъыллы айтыр эди, акъылсыз къоймайды.
Айранны сюйген, ийнек тутар.
Ётюрюкден тюбю джокъ, кёлтюрюрге джиби джокъ.
Джангызны оту джарыкъ джанмаз!
Хантына кёре тузу, юйюне кёре къызы.
Бир абыннган – минг сюрюнюр.
Битмегеннге сакъал – танг.
Ауругъаннга – кийик саулукъ, джетген къызгъа – чилле джаулукъ.
Аллахдан тилесенг, кёб тиле.
Чакъырылмагъан къонакъ къачан кетерин сормаз.
Билим – акъылны чырагъы.
Юйюнг бла джау болгъандан эсе, элинг бла джау бол.
Эринчекге кюн узун.
Къозулугъунда тоймагъан, къойлугъунда тоймаз.
Эркишиге тары кебек танг кёрюнюр.
Бети къызарыучу адамны, джюреги харам болмаз.
Адеб базарда сатылмаз.
Ачлыкъда тары гырджын халыуадан татлы.
Бек ашыкъгъан меннге джетсин, дегенди аракъы.
Сёз садакъдан кючлюдю.
Къоркъакъны кёзю экили кёрюр.
Бет бетге къараса, бет да джерге къарар.
От этилмеген джерден тютюн чыкъмайды.
Хар сёзню орну барды.
Адамны аманы адамны бети бла ойнар.
Ат да турмайды бир териде.
Экеу тутушса, биреу джыгъылыр.
Мухардан ач ычхынмаз.
Кёбге таш атма.
Ауузу бла къуш тута айланады.
Къанны къан бла джуума, аманны аман бла къуума.
Ариу сёз – къылычдан джити.
Байлыкъдан саулукъ ашхыды.
Тёзгеннге, джабылгъан эшик ачылыр.
Суу ичген шауданынга тюкюрме.
Кийимни бичсенг, кенг бич, тар этген къыйын тюлдю.
Ауузу аманнга «иги», деме.
