Юйлю уругъа ит чабмаз.
Чабакъсыз кёлге къармакъ салгъанлыкъгъа, чабакъ тутмазса.
Кютгени беш эчки, сызгъыргъаны уа, джерни джарады.
Сууда джау джокъ, кёб сёзде магъана джокъ.
Бет бетге къараса, бет да джерге къарар.
Джарлы тюеге минсе да, ит къабар.
Кёл – къызбай, къол – батыр.
Бойнуму джети джерден кессенг да, мен ол ишни этеллик тюлме.
Баш – акъыл ючюн, акъылман – халкъ ючюн.
Джаш болсун, къыз болсун, акъылы, саны тюз болсун.
Эл бла кёргенинг эрелей.
«Ёгюз, джаргъа джууукъ барма, меннге джюк боллукъса», - дегенди эшек.
Тойгъандан сора, ашны сёкме.
Юйюнг бла джау болгъандан эсе, элинг бла джау бол.
Кёбню кёрген – кёб билир.
Билим къая тешер.
Сакъламагъан затынга джолукъсанг, не бек къууанаса, не бек ачыйса.
Ач къарынны, токъ билмез
Телиге акъыл салгъандан эсе, ёлгеннге джан салырса.
Бичгенде ашыкъма, тикгенде ашыкъ.
Къалгъан ишге къар джауар.
Къыйынлы джети элге оноу этер.
Арыгъан къош чамчы болур.
Эринчекни аурууу – кёб.
Адам сёзюнден белгили.
Ана къойну – балагъа джандет.
Чарсда алчыны эл кёреди.
Ачылгъан эт джабылыр, кёрген кёз унутмаз.
Айырылмаз джууугъунга, унутмаз сёзню айтма.
Джан саулукъ бермей, сан саулукъ бермезсе.
Ат да турмайды бир териде.
Джолунга кёре – джюрюшюнг, джагъанга кёре – юлюшюнг.
Баланы адам этген анады.
Аякъларынгы джууургъанынга кёре узат.
Ачлыкъда тары гырджын халыуадан татлы.
Бал чибинни ургъаны – ачы, балы – татлы.
Айран тёгюлсе, джугъусу къалыр.
Зарда марда джокъ.
Къая джолда джортма, ачыкъ сёзден къоркъма.
Тил бла келеди джыр да.
Иги джашны ышаны – аз сёлешиб, кёб тынгылар.
Чомартха хар кюн да байрамды.
Джашынгы кесинг юретмесенг, джашау юретир.
Атлыны кёрсе, джаяуну буту талыр.
Хатерли къул болур.
Босагъа таш юйге кирмей эди, тыбыр таш эшикге чыкъмай эди.
Ишленмеген джаш – джюгенсиз ат, ишленмеген къыз – тузсуз хант.
Бир абыннган – минг сюрюнюр.
Юйюнгден чыкъдынг – кюнюнгден чыкъдынг.
Иги сеники эсе да, сюйген кесимикин этеме.
