Гугурук къычырмаса да, тангны атары къалмаз.
Акъыллы эркиши атын махтар, акъылсыз эркиши къатынын махтар.
Ёлмесенг да, къарт дамы болмазса?
Джан саулукъ бермей, сан саулукъ бермезсе.
Айныгъанлы алты кюн, тогъайгъанлы тогъуз кюн.
Сёлеш деб шай берген, тохта деб, сом берген.
Къарнынг тойгъунчу аша да, белинг талгъынчы ишле.
Аман къатын алгъан, арыр, иги къатын алгъан джарыр.
Кёкдеги болмаса, джердегин кёрмейди.
Атынг аманнга чыкъгъандан эсе, джанынг тамагъынгдан чыкъсын.
Ашхы атаны – джашы ашхы, ашхы ананы – къызы ашхы.
Чакъырылмагъан джерге барма, чакъырылгъан джерден къалма.
Кёбге таш атма.
Чёбню кёлтюрсенг, тюбюнден сёз чыгъар.
Ёнгкюч къууана барыр, джылай келир.
Къыйынлы джети элге оноу этер.
Телини эшигин, махтау джабар.
Кёзню ачылгъаны – иги, ауузну джабылгъаны – иги.
Аш хазыр болса, иш харам болур.
Иги адамны бир сёзю эки болмаз.
Тилсиз миллет джокъ болур.
Хар сёзню орну барды.
Къызны минг тилер, бир алыр.
Тёзгеннге, джабылгъан эшик ачылыр.
Иги адам абынса да, джангылмаз.
Бозанг болмагъан джерге, къалагъынгы сукъма.
Таш ата билмеген, башына урур.
Кёл ашады да, кеси ашады.
Тойгъан джерге джети къайт.
Сютден ауузу кюйген, суугъа юфгюре эди.
Ачыу алгъа келсе, акъыл артха къалады.
Иги – алгъыш этер, аман – къаргъыш этер.
Акъдан къара болмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Ётюрюкню къуйругъу – бир тутум.
Байлыкъ адамны сокъур этер.
Айырылгъанланы айю ашар, бёлюннгенлени бёрю ашар.
Рысхы джалгъанды: келген да этер, кетген да этер.
Тойгъан антын унутур.
Дууулдаса – бал чибин, къонса – къара чибин.
Айранын берсенг, челегин да къызгъанма.
Къайгъыны сюйген, къайгъы табар.
Билимсиз иш бармаз.
Телиге от эт десенг, юйюнге от салыр.
Адам къаллай бир ишленмесе, аллай бир кесин уллу кёреди.
Эл элде бирер малынг болгъандан эсе, бирер тенгинг болсун.
Эки ойлашыб, бир сёлешген.
Тилчи тилден къаныкъмаз.
Къатыны харакетли болса, эри къымсыз болур.
Зарда марда джокъ.
