Къралынгы – душмандан, башынгы от бла суудан сакъла.
Мал тутхан – май джалар.
Тура эдим джата, къайдан чыкъды хата?
Къарнынг бла ёч алма.
Джюрекге ариу – кёзге да ариу.
Тёзгеннге, джабылгъан эшик ачылыр.
Кёзюнде тереги болгъан, чёбю болгъаннга кюле эди.
Алим болгъандан эсе, адам болгъан къыйынды.
Хар адамгъа кеси миннген тау кибик.
Ашхылыкъ джерде джатмайды, аманлыкъ суугъа батмайды.
Къазанчы аман болса, къазаны къайнамаз.
Чёбню кёлтюрсенг, тюбюнден сёз чыгъар.
Джыйырма къойну юч джыйырма эбзе кюте эди.
Хата – гитчеден.
Ашхы адам – халкъ байлыгъы, ашхы джер – джашау байлыгъы.
Акъыл аздырмаз, билим тоздурмаз.
Аууз сакълагъан – джан сакълар.
Тюзлюк тас болмайды.
Хантына кёре тузу, юйюне кёре къызы.
Тешик этген тынчды, аны джамагъан къыйынды.
Ач уят къоймаз.
Уясында не кёрсе, учханында аны этер.
Байны къызы баймакъ болса да, юйде къалмаз!
Мухар, кеси тойса да, кёзю тоймаз.
Арпа, будай – ащды, алтын, кюмюш а – ташды.
Ариу сёз аурууунгу алыр.
Тёзген – тёш ашар!
Айыбны суу бла джууалмазса.
Къыз келсе, джумуш эте келеди, къатын келсе, ушакъ эте келеди.
Чабакъгъа акъыл, табагъа тюшсе келеди.
Тай асырагъан, атха минер.
Кийимни бир кюнню аясанг, минг кюннге джарар.
Къартны бурнун сюрт да, оноугъа тут.
Сибиртки да сыйлы болду, кюрек да кюнлю болду.
Чомартны къолу берекет.
Элге къуллукъ этмеген, элге ие болмаз.
Ана къолу ачытмаз.
Узун джолну барсанг, бюгюн келирсе, къысха джолну барсанг, тамбла келирсе.
Арбаз къынгырды да, ийнек сауалмайма.
Тюкюрюк баш джармаз, налат кёз чыгъармаз!
Огъурлуну сёзю – суу, огъурсузну сёзю – уу.
Телини эшигин, махтау джабар.
Баргъанынга кёре болур келгенинг.
Ашхы атаны – джашы ашхы, ашхы ананы – къызы ашхы.
Сагъышы джокъ – джукъучу, акъылы джокъ – къаугъачы.
Тамчы таш тешер.
Экеулен сёлеше тура эселе, орталарына барыб кирме.
Этни бети бла шорпасы.
Ёгюзню мюйюзюнден тутадыла, адамны сёзюнден тутадыла.
Ашлыкъны арба юйге келтирир, чана базаргъа элтир.
