Рысхы – сют юсюнде кёмюк кибикди.
Къыз тиширыу кеси юйюнде да къонакъды.
Арпа, будай – ащды, алтын, кюмюш а – ташды.
Биреуге кёлтюрген таягъынг, кесинги башынга урур.
Джангыз торгъай джырламаз.
Юй кюйдю да, кюйюз чыкъды, ортасындан тюйюш чыкъды.
Туз, гырджын аша, тюзлюк бла джаша.
Ауругъаннга – кийик саулукъ, джетген къызгъа – чилле джаулукъ.
Билим ат болуб да чабар, къуш болуб да учар.
Тешигини къатында, чычхан да батыр болур.
Намысы джокъну – дуниясы джокъ.
Тиширыусуз юй – отсуз от джагъа.
Тёрени джагъы джокъ.
Къонагъынгы артмагъын алма да, алгъышын ал.
Хар адамгъа кеси миннген тау кибик.
Ач келгенни – тойдур, кеч келгенни – къондур.
Эки итни арасына сюек атма, эки адамны арасында сёз чыгъарма.
Ишлерге уял да, ашаргъа табма.
Биреуню тёрюнден, кесинги эшик артынг игиди.
Баш болса, бёрк табылыр.
Къыйынлы джети элге оноу этер.
Къазанда болса, чолпугъа чыгъар.
Акъыллы айтыр эди, акъылсыз къоймайды.
Адам туугъан джеринде, ит тойгъан джеринде.
Ашыкъгъанны этеги бутуна чырмалыр.
Джюрек кёзден алгъа кёрюр.
Ургъан суудан башынгы сакъла.
Уллу сёзде уят джокъ.
Ачыкъ джюрекге джол – ачыкъ.
Чыбыкълыкъда бюгюлмеген, къазыкълыкъда бюгюлмей эди.
Гыдай эчки суугъа къараб, мюйюзле кёрмесе, джашма алкъын, дегенди.
Иши джокъну, сыйы джокъ.
Джаш болсун, къыз болсун, акъылы, саны тюз болсун.
Нёгерсизни джолу узун.
Борчунг бар эсе, хурджунунга ойлаб узал.
Тенги кёбню джау алмаз, акъылы кёбню дау алмаз.
Тай асырагъан, атха минер.
Хунаны тюбюн къазсанг, юсюнге ауар.
Келгинчи, къонакъ уялыр, келгенден сора, къонакъбай уялыр.
Ётюрюкчюню шагъаты – къатында.
Сабыр джетер муратха, сабырсыз къалыр уятха.
Уллу къазанда бишген эт, чий къалмаз.
Ишни аллы бла къууанма да, арты бла къууан.
Биреу ашаб къутулур, биреу джалаб тутулур.
Тулпарлыкъ, билекден тюл – джюрекден.
Джырчы ёлсе, джыры къалыр.
Баланы адам этген анады.
Ауругъан – джашаудан умутчу.
Урунуу – насыбны анасы.
Окъумагъан сокъурду, сокъур ташха абыныр!
