Аш кетер да бет къалыр.
Ойнай-ойнай кёз чыгъар.
Олтуруб кёрюнмей эди да, ёрге туруб кёрюне эди.
Ёгюзню мюйюзлери ауурлукъ этмейдиле.
Ёнгкюч къууана барыр, джылай келир.
Айранын берсенг, челегин да къызгъанма.
От этилмеген джерден тютюн чыкъмайды.
Тойгъа алгъа да барма, тойда артха да къалма.
Кесине оноу эте билмеген, халкъына да эте билмез.
Джетген къыз джерли эшекни танымаз.
Хар сёзню орну барды.
Аджаллыгъа окъсуз шкок атылыр.
Билим насыб берир, билим джолну керир.
Оюмсуз атлагъан, аджалсыз ёлюр.
Рысхысына кёре, джаш ёсер, къышлыгъына кёре, мал ёсер.
Эл ауузу – элек, анга ийнаннган – халек.
Аз сёлешген, къайгъысыз турур.
Джюз элде джюз ёгюзюм болгъандан эсе, джюз джууугъум болсун.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Окъ къызбайны джокълайды.
Сакъламагъан затынга джолукъсанг, не бек къууанаса, не бек ачыйса.
Джаханимни кёрмей, джандетге кёл салмазса.
Билимли ёлмез, билимсиз кёрмез.
Эркишини аманы тиширыуну джылатыр.
Урама да – ёледи, сатама да – келеди.
Ариу сёз – къылычдан джити.
Тёрде – темир таякълы, къаяда – чыпчыкъ аякълы.
Бетинги сатма, малынгы сат.
Айраннга суу къош, телиге джол бош.
Билген билмегенни юретген адетди.
Тыш элде солтан болгъандан эсе, кесинги элде олтан болгъан игиди!
Аман эсирсе, юйюн ояр.
Эте билген, этген этеди, эте билмеген, юретген этеди!
Ургъан суудан башынгы сакъла.
Чёбню кёлтюрсенг, тюбюнден сёз чыгъар.
Берекет берсин деген джерде, берекет болур.
Босагъагъа джууукъ орун болса, ашыгъыб тёрге озма.
Рысхы – насыбха къор.
Ёгюзню мюйюзюнден тутадыла, адамны сёзюнден тутадыла.
Эски джаугъа ышанма.
Билими азны – ауузунда кирит.
Суугъа – таянма, джаугъа – ийнанма.
Этек чакъмакълары баш джаргъан, сёлешген сёзлери таш джаргъан.
Къанны къан бла джуума, аманны аман бла къуума.
Джылар джаш, атасыны сакъалы бла ойнар.
Эки къатын алгъан – эки ташны ортасына башын салгъан.
Терслик кетер, тюзлюк джетер.
Эри аманны, къатыны – аман.
Джиби бир къат джетмей эди да, эки къат тарта эди.
Эринчекни аурууу – кёб.
