Ишлемеген – тишлемез.
Эм ашхы къайын ана мамукъ бла башынгы тешер.
Аджашханны ызындагъы кёреди, джангылгъанны джанындагъы биледи.
Сибиртки да сыйлы болду, кюрек да кюнлю болду.
Кёзюнде тереги болгъан, чёбю болгъаннга кюле эди.
Aдам боллукъ, сыфатындан белгили.
Ханнга да келеди хариблик.
Ашына кёре табагъы, балына кёре къалагъы.
Дуния малгъа сатылма, кесингден телиге къатылма.
Суугъа – таянма, джаугъа – ийнанма.
Мухар, кеси тойса да, кёзю тоймаз.
Окъугъан – асыу, окъумагъан – джарсыу.
Онгсузну – джакъла, тенгликни – сакъла.
Къазанны башы ачыкъ болса, итге уят керекди.
Ата Джуртуму башы болмасам да, босагъасында ташы болайым.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джашлыкъ этмеген, башлыкъ этмез.
Чомарт къолда мал къалмаз.
Кёлю джокъну – джолу джокъ.
Эли джокъну – кёлю джокъ.
Чабакъ башындан чирийди.
Тойгъан антын унутур.
Уллу къашыкъ эрин джыртар.
Ишин билген, аны сыйын чыгъарады.
Къонагъынгы артмагъын алма да, алгъышын ал.
Ойнай-ойнай кёз чыгъар.
Игиге айтсанг – билир, аманнга айтсанг – кюлюр.
Туз, гырджын аша, тюзлюк бла джаша.
Кюлме джашха – келир башха.
Ёгюзню мюйюзюнден тутадыла, адамны сёзюнден тутадыла.
Бек ашыкъгъан меннге джетсин, дегенди аракъы.
Аллахха ийнаннган кишини, Аллах онгдурур ишин.
Акъылсызны джууукъгъа алма, акъыллыны кенгнге салма.
Башы джабылгъан челекге, кир тюшмез.
Чакъырылгъанны аты, чакъырылмагъанны багъасы болур.
Ашыкъгъанны этеги бутуна чырмалыр.
Элде адам къалмаса, ит тахтагъа минер.
Халкъны джырын джырласанг, халкъ санга эжиу этер.
Хатерли къул болур.
Байлыкъдан саулукъ ашхыды.
Ойнаб айтсанг да, эслеб айт.
Аш иеси бла татлыды.
Рысхысына кёре, джаш ёсер, къышлыгъына кёре, мал ёсер.
Ёксюзню тилеги къабыл болур.
Джумушакъ сёз къаты таякъны сындырыр.
Джаралыны джастыгъында сау ёлюр.
Ойнай билмеген, уруб къачар.
Сакъалы текени да бар, мыйыгъы киштикни да бар.
Айтханы чапыракъдан ётмеген.
Ана кёлю – балада, бала кёлю – талада.
