Туз, гырджын аша, тюзлюк бла джаша.
Таугъа чыгъаллыкъ эсенг, тюзде къалма.
Мухар, кеси тойса да, кёзю тоймаз.
Билмегенинги, билгеннге сор.
Къарт айтханны этмеген, къартаймаз.
Тилде сюек болмаса да, сюек сындырыр.
Кёб ант этген, кёб ётюрюк айтыр.
Ариу сёз – джаннга азыкъ, аман сёз – башха къазыкъ.
Хантына кёре тузу, юйюне кёре къызы.
Аш хазыр болса, иш харам болур.
Бойнуму джети джерден кессенг да, мен ол ишни этеллик тюлме.
Уллу суу бла уллу ауруудан башынгы сакъла.
Тил бла келеди джыр да.
Окъуусуз билим – джокъ, билимсиз кюнюнг – джокъ.
Кёзю сокъурдан – къоркъма, кёлю сокъурдан – къоркъ.
Баланы адам этген анады.
Мураты болгъанны джюрек тебюую башхады.
Артына баргъанны, къатына барма.
Уллу атлама – абынырса, уллу къабма – къарылырса.
Аш берме да, къаш бер.
Аджал соруб келмез, келсе, къайтыб кетмез.
Чомарт бергенин айтмаз.
Чабакъсыз кёлге къармакъ салгъанлыкъгъа, чабакъ тутмазса.
Джети тилни билген джети кишиди.
Айыбны суу бла джууалмазса.
Ишге юренсин къоллары, халкъ бла болсун джоллары.
Термилгенинги табмазса, кюлгенинге тюберсе.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ашда – бёрю, ишде – ёлю.
Минг тенг да азды, бир джау да кёбдю.
Ишлегенден, къарагъан уста.
Юйлю уругъа ит чабмаз.
Тюзлюк тас болмайды.
Иесиз малны бёрю ашар.
Келгинчи, къонакъ уялыр, келгенден сора, къонакъбай уялыр.
Ашыкъгъан cуу, тенгизге джетмез.
Хар адамгъа кеси миннген тау кибик.
Ашына кёре табагъы, балына кёре къалагъы.
Кесине гебен этелмеген, биреуге черен эте эди.
Иги сеники эсе да, сюйген кесимикин этеме.
Башы джабылгъан челекге, кир тюшмез.
Аманны къуугъан, аманлыкъ табар.
Эки къатын алгъанны къулагъы тынгнгаймаз.
Ата Джуртча джер болмаз, туугъан элча эл болмаз.
Аууз сакълагъан – джан сакълар.
Иги болса, тамадама – махтау, аман болса, меннге – айыб.
Башда акъыл болмаса, эки аякъгъа кюч джетер.
Халкъны джырын джырласанг, халкъ санга эжиу этер.
Таукел къуру къалмаз.
Уллу къашыкъ эрин джыртар.
