Къайгъы тюбю – тенгиз.
Къонагъы джокъну – шоху джокъ.
Келлик заман – къартлыкъ келтирир, кетген заман – джашлыкъ ёлтюрюр.
От этилмеген джерден тютюн чыкъмайды.
Махтаннган къыз, тойда джукълар.
Кечеси – аяз, кюню – къыш, джарлы къаргъагъа бир аш тюш!
Кёб ашасанг, татыуу чыкъмаз, кёб сёлешсенг, магъанасы чыкъмаз.
Таякъ этден ётер, тил сюекден ётер.
Байдан умут эте, джарлыдан ёгюз багъасы къорады.
Къралынгы – душмандан, башынгы от бла суудан сакъла.
Айтылгъан сёз ызына къайтмаз.
Кимни – тили, тиши онглу, кимни – къолу, иши онглу.
Джылыгъа джылан илешир.
Ёлген аслан – сау чычхан.
Гугук кесини атын айтыб къычыргъанча, мен, мен деб нек тураса?
Билеги кючлю, бирни джыгъар, билими кючлю, мингни джыгъар.
Таугъа чыгъаллыкъ эсенг, тюзде къалма.
Тамырсыз терекге таянма – джыгъылырса.
Айран тёгюлсе, джугъусу къалыр.
Юреннген ауруу къалмаз.
Аш хазыр болса, иш харам болур.
Къарын къуру болса, джюрек уру болур.
Огъурлуну сёзю – суу, огъурсузну сёзю – уу.
Ашхы тенг джолгъа салыр, аман тенг джолдан тайдырыр.
Эски джаугъа ышанма.
Баш – акъыл ючюн, акъылман – халкъ ючюн.
Аманнга алтын чыдамаз.
Окъуу – билимни ачхычы, окъуу – дунияны бачхычы.
Таукелге нюр джауар.
Сууда джау джокъ, кёб сёзде магъана джокъ.
Чомарт къолда мал къалмаз.
Ишин билген, аны сыйын чыгъарады.
Джаз бир кюнню джатсанг, къыш талай кюнню абынырса.
Къанны къан бла джуума, аманны аман бла къуума.
Эринчекге кюн узун.
Къарт бла баш аша, джаш бла аякъ аша.
Эл бла кёргенинг эрелей.
Байлыкъ келсе, акъыл кетер.
Кёб ант этген, кёб ётюрюк айтыр.
Этим кетсе да, сюегим къалыр.
Харам къарнашдан, халал тенг ашхы.
Кийимни бичсенг, кенг бич, тар этген къыйын тюлдю.
Билим – акъылны чырагъы.
Кёл ашады да, кеси ашады.
Джангызны оту джарыкъ джанмаз!
Кёрмегеннге кебек – танг, битмегеннге сакъал – танг.
Бозаны арты дауур болур.
Татлы сёз – балдан татлы.
Джыгъылгъанны сырты джерден тоймаз.
Джылкъыдан – ат чыгъар, тукъумдан – джаш чыгъар.
