Ашыкъгъанны этеги бутуна чырмалыр.
Эринчекни аурууу – кёб.
Аманнга алтын чыдамаз.
Ауузу аманнга «иги», деме.
Джырчы ёлсе, джыры къалыр.
Атлыны кёрсе, джаяуну буту талыр.
Махтаннган къыз, тойда джукълар.
Алгъанда – джууукъ, бергенде – джау.
Иги – алгъыш этер, аман – къаргъыш этер.
Биреуге аманлыкъны тилеме да, кесинге ашхылыкъны тиле.
Биреу ашаб къутулур, биреу джалаб тутулур.
Ач уят къоймаз.
Тойну къарнашы – харс, джырны къарнашы – эжиу.
Ачны эсинде – аш.
Тюзню ётмеги тюзде къалса да, тас болмаз.
Телиге акъыл салгъандан эсе, ёлгеннге джан салырса.
Ханы къызы буюгъа-буюгъа киштик болду.
Суу ичген шауданынга тюкюрме.
Тай асырагъан, атха минер.
Сакъламагъан затынга джолукъсанг, не бек къууанаса, не бек ачыйса.
Мураты болгъанны джюрек тебюую башхады.
Джогъун бар этген, барын бал этген.
Эрни эр этерик да, къара джер этерик да, тиширыуду.
Бойнуму джети джерден кессенг да, мен ол ишни этеллик тюлме.
Азыкълы ат арымаз, къатыны аман джарымаз.
Эски джаугъа ышанма.
Сескекли кесин билдирир.
Байдан умут эте, джарлыдан ёгюз багъасы къорады.
Ариу сёз – джаннга азыкъ, аман сёз – башха къазыкъ.
Къууут – джелге, берне – бошха.
Джарлыны тону джаз битер.
Бети бедерден, намыс сакълама.
Ётюрюкден тюбю джокъ, кёлтюрюрге джиби джокъ.
Бастасын ашагъан, хантусун да ичер.
Башланнган иш битер, къымылдагъан тиш тюшер.
Ёмюрлюк шохлукъну джел элтмез.
Аш берме да, къаш бер.
Къонагъынгы артмагъын алма да, алгъышын ал.
Ачылгъан эт джабылыр, кёрген кёз унутмаз.
Джаз бир кюнню джатсанг, къыш талай кюнню абынырса.
Нарт сёз къарт болмаз.
Аман къатын алгъан, арыр, иги къатын алгъан джарыр.
Хар адамгъа кеси миннген тау кибик.
Адамны бетине къарама, адетине къара.
Окъугъан – асыу, окъумагъан – джарсыу.
Босагъа таш юйге кирмей эди, тыбыр таш эшикге чыкъмай эди.
Сагъыш – къартлыкъгъа сюйюмчю.
Къоркъакъны кёзю экили кёрюр.
Олтуруб кёрюнмей эди да, ёрге туруб кёрюне эди.
Акъыллы – эл иеси, тели – эл баласы.
