- Таукел къуру къалмаз.
- Джангыз торгъай джырламаз.
- Шекер бла туз – бир болмаз, ушамагъан – юй болмаз.
- Сёз садакъдан кючлюдю.
- Ётген ёмюр – акъгъан суу.
- Таукел тауну аудурур.
- Орундукъ тюбюнде атылсам да, орта джиликме, де да айлан.
- Билмейме деген – бир сёз
- Уллу атлама – абынырса, уллу къабма – къарылырса.
- Адам къаллай бир ишленмесе, аллай бир кесин уллу кёреди.
- Айныгъанлы алты кюн, тогъайгъанлы тогъуз кюн.
- Къазанда болса, чолпугъа чыгъар.
- Адам сёзюнден белгили.
- Аман къатын алгъан, арыр, иги къатын алгъан джарыр.
- Ана къойну – балагъа джандет.
- Тил – кесген бычакъ, сёз – атылгъан окъ.
- Рысхысына кёре, джаш ёсер, къышлыгъына кёре, мал ёсер.
- Иги сеники эсе да, сюйген кесимикин этеме.
- Кёбге таш атма.
- Aдам боллукъ, сыфатындан белгили.
- Тойгъан джерге джети къайт.
- Ёлген аслан – сау чычхан.
- Аш кетер да бет къалыр.
- Ёлген эшек бёрюден къоркъмайды.
- Телини эшигин, махтау джабар.
- Кёлю джокъну – джолу джокъ.
- Ачыкъ джюрекге джол – ачыкъ.
- Агъач халкъгъа алтынды, иссиликге салкъынды.
- Рысхы джалгъанды: келген да этер, кетген да этер.
- Тау башында, тау болмаз, джангыз терек, бау болмаз.
- Таукелге нюр джауар.
- Атлыны ашхысы, ат тизгининден билинир
- Аллахха ийнаннган кишини, Аллах онгдурур ишин.
- Эл тойса, тоймагъан, эл къойса, къоймагъан.
- Кёкдеги болмаса, джердегин кёрмейди.
- Тешигини къатында, чычхан да батыр болур.
- Ауругъаннга – кийик саулукъ, джетген къызгъа – чилле джаулукъ.
- Къызын тута билмеген, тул этер, джашын тута билмеген, къул этер.
- Байны оноуу, джарлыгъа джарамаз.
- Алма терегинден кери кетмез.
- Аякъларынгы джууургъанынга кёре узат.
- Эллинг бла джау болсанг да, юйюнг бла джау болма.
- Кёб къычыргъандан – къоркъма, тынч олтургъандан – къоркъ.
- Ашыкъгъан cуу, тенгизге джетмез.
- Ачыу алгъа келсе, акъыл артха къалады.
- Къарнынг къанлынга кийирир.
- Билимсиз иш бармаз.
- Тили узунну, намысы – къысха.
- Башда акъыл болмаса, эки аякъгъа кюч джетер.
- Джауумдан сора, кюн кюйдюрюр, ётюрюкден сора, айыб кюйдюрюр.
Къарачай-малкъар халкъны нарт сёзлери
|
Alania
birgeley  |
|
|
|
|
|
Оюмсуз атлагъан, аджалсыз ёлюр...
Уллу къазанда бишген эт чий къалмаз... |
|
|
|
|
|
Кёпюр салгъан кеси ётер, уруу къазгъан кеси кетер...
Ышармагъан кюльмез, кюлмеген къауанчны билмез... |
|
|
|
|
|
Башха элде Солтан болгъандан эсе кесинги джерингде олтан болгъан игиди
|
|
|
|
|
|
Киштик этге джеталмагъанында:
-Бюгюн мен оразама дегенди. Боза къышхырны ашагъан теке берю бла тюйюшюрге баргъанлай.  Къазан къазанга: сени тюбюнг къарады ,-дегенлей. |
|
|
|
|
|
Батырлыкъ- отлукъ ташча, къоркакълыкъ-ь джёге агашча...
Айтылгъан буйрукъ сёгюлмез, сёгюлген буйрукъ бегимез... |
|
|
|
|
|
Эту тему тоже в Ана тил
|
|
|
|
|
|
чыбыкълыгъында бюгюлмеген...
базыкълыкъда бюгюлмез.... |
|
|
|
|
|
Махтаннган къыз тойда джукълар.
|
|
|
|
|
|
Бёрю сюрю?ге кирсе- къуру чыкъмаз
|
|
|
|
|
|
Джетген къыз джерли эшекни кермез. Гаккыны ичинде тюк излер. Эшек бузгъа тирелгенча.
|
|
|
|
|
|
Окъуусуз билим джокъ, билимсиз кюнюнг джокъ
|
|
|
|
|
|
око
Джукъ билмей тынгылаб турама  |
|
|
|
|
|
Акъылсызны джу?укъгъа алма, акъыллыны кеннге салма
|
|
|
|
|
|
Эркишини аманы тиширы?ну джылатыр.
|
|
|
|
|
|
Тепсеучюню джаны тойда
Къызны бир кёзю ашда, бир кёзю джашда |
|
|
|
|
|
Акъыллычыкъ
Тепсеучюню джаны тойда Тамам тамблагъа джараулу нарт сёз    |
|
|
|
|
|
Ыстауатда жатхан малны бёрю алмаз.
Бёрю атарыкъ бёркюнден белгили. Ач къарынны токъ билмез, ауругъанны сау билмез. |
|
|
|
|
|
Джюгю ауур болса, эшек джоргъа болур
|
|
|
|
|
|
Эрине къаргъыш этген къатын эрнин къабар.
Кёб ант этген кёб ётюрюк айтыр. Элни а?узуна элли аршын къумач джетмез. |
|
|
|
|
|
Байны къызы баймакъ болсада юйде къалмаз!
|
|
|
|
|
|
Таулу ач къарынга сагъыш эталмайды, тойсауа этерге излемейди)))
|
||||
|
|
|
|||
Читают тему (гостей: 3)