- Акъылсызны джууукъгъа алма, акъыллыны кенгнге салма.
- Бети – къучакълар, джюреги – бычакълар.
- Эки ойлашыб, бир сёлешген.
- Тилсиз миллет джокъ болур.
- Чакъырылмай келген къонакъ сыйланмай кетер.
- Адамны артындан къара сабан сюрме.
- Керек ташны ауурлугъу джокъ.
- Окъугъан – асыу, окъумагъан – джарсыу.
- Ашхы адам – халкъ байлыгъы, ашхы джер – джашау байлыгъы.
- Тил джюрекге джол ишлейди.
- Таукел къуру къалмаз.
- Агъач – джерни чырайы, кийим – эрни чырайы.
- Байлыкъ тауусулур, билим тауусулмаз.
- Тыш элде солтан болгъандан эсе, кесинги элде олтан болгъан игиди!
- Алма терегинден кери кетмез.
- Ишин билген, аны сыйын чыгъарады.
- Кирсизни – саны таза, халалны – къаны таза.
- Адеб этмеген, адеб кёрмез.
- Бозанг болмагъан джерге, къалагъынгы сукъма.
- Аджал соруб келмез, келсе, къайтыб кетмез.
- Бал – татлы, балдан да бала – татлы.
- Ата Джуртун танымагъан, атасын да танымаз.
- Этни да ашады, бетни да ашады.
- Сабийликде юретмесенг, уллу болса – тюзелмез.
- Акъыллы айтыр эди, акъылсыз къоймайды.
- Алтыда кюлмеген, алтмышда кюлмез.
- Тынгылагъан тынгы бузар.
- Байны оноуу, джарлыгъа джарамаз.
- Ашын ашагъанынгы, башын да сыйла.
- Ана къойну – балагъа джандет.
- Ач – эснер, ат – кишнер.
- Уясында не кёрсе, учханында аны этер.
- Джаз бир кюнню джатсанг, къыш талай кюнню абынырса.
- Биреуге кёлтюрген таягъынг, кесинги башынга урур.
- Башсыз урчукъ тюзюне айланмаз.
- Сютню башын джалагъан къутулур, тюбюн ичген тутулур.
- Ханнга да келеди хариблик.
- Байны къызы баймакъ болса да, юйде къалмаз!
- Джарлы эскисин джамаса, къууаныр.
- Илму – джашауну джолу.
- Кёб джат да, бек чаб.
- Къонакъ аман болса, къонакъбай джунчур
- Къонагъынгы артмагъын алма да, алгъышын ал.
- Билим къая тешер.
- Накъырда – кертини келечиси.
- Къызгъанчдан ычхыныр, мухардан ычхынмаз.
- Мал ёлсе, сюек къалыр, адам ёлсе, иши къалыр.
- Хантына кёре тузу, юйюне кёре къызы.
- Чомарт къонакъ юй иесин сыйлар.
- Байлыкъ болгъан джерде, тынчлыкъ джокъду.
Къарачай-малкъар халкъны нарт сёзлери
|
Alania
birgeley  |
|
|
|
|
|
Оюмсуз атлагъан, аджалсыз ёлюр...
Уллу къазанда бишген эт чий къалмаз... |
|
|
|
|
|
Кёпюр салгъан кеси ётер, уруу къазгъан кеси кетер...
Ышармагъан кюльмез, кюлмеген къауанчны билмез... |
|
|
|
|
|
Башха элде Солтан болгъандан эсе кесинги джерингде олтан болгъан игиди
|
|
|
|
|
|
Киштик этге джеталмагъанында:
-Бюгюн мен оразама дегенди. Боза къышхырны ашагъан теке берю бла тюйюшюрге баргъанлай.  Къазан къазанга: сени тюбюнг къарады ,-дегенлей. |
|
|
|
|
|
Батырлыкъ- отлукъ ташча, къоркакълыкъ-ь джёге агашча...
Айтылгъан буйрукъ сёгюлмез, сёгюлген буйрукъ бегимез... |
|
|
|
|
|
Эту тему тоже в Ана тил
|
|
|
|
|
|
чыбыкълыгъында бюгюлмеген...
базыкълыкъда бюгюлмез.... |
|
|
|
|
|
Махтаннган къыз тойда джукълар.
|
|
|
|
|
|
Бёрю сюрю?ге кирсе- къуру чыкъмаз
|
|
|
|
|
|
Джетген къыз джерли эшекни кермез. Гаккыны ичинде тюк излер. Эшек бузгъа тирелгенча.
|
|
|
|
|
|
Окъуусуз билим джокъ, билимсиз кюнюнг джокъ
|
|
|
|
|
|
око
Джукъ билмей тынгылаб турама  |
|
|
|
|
|
Акъылсызны джу?укъгъа алма, акъыллыны кеннге салма
|
|
|
|
|
|
Эркишини аманы тиширы?ну джылатыр.
|
|
|
|
|
|
Тепсеучюню джаны тойда
Къызны бир кёзю ашда, бир кёзю джашда |
|
|
|
|
|
Акъыллычыкъ
Тепсеучюню джаны тойда Тамам тамблагъа джараулу нарт сёз    |
|
|
|
|
|
Ыстауатда жатхан малны бёрю алмаз.
Бёрю атарыкъ бёркюнден белгили. Ач къарынны токъ билмез, ауругъанны сау билмез. |
|
|
|
|
|
Джюгю ауур болса, эшек джоргъа болур
|
|
|
|
|
|
Эрине къаргъыш этген къатын эрнин къабар.
Кёб ант этген кёб ётюрюк айтыр. Элни а?узуна элли аршын къумач джетмез. |
|
|
|
|
|
Байны къызы баймакъ болсада юйде къалмаз!
|
|
|
|
|
|
Таулу ач къарынга сагъыш эталмайды, тойсауа этерге излемейди)))
|
||||
|
|
|
|||
Читают тему (гостей: 1)