Ишленмеклик адамлыкъды.
Келинин тута билмеген, къул этер, къызын тута билмеген, тул этер.
Эте билген, этген этеди, эте билмеген, юретген этеди!
Кёб ант этген, кёб ётюрюк айтыр.
Бек анасы джыламаз.
Аман эсирсе, юйюн ояр.
Джыгъылгъанны сырты джерден тоймаз.
Окъугъанны бети джарыкъ.
Арбаз къынгырды да, ийнек сауалмайма.
Керилген да, ургъан кибикди.
Аш хазыр болса, иш харам болур.
Иги джашны ышаны – аз сёлешиб, кёб тынгылар.
Таш бла ургъанны, аш бла ур.
Уллу сёлешме да, уллу къаб.
Суугъа – чабакъ, къаягъа – ыргъакъ.
Таякъ этден ётер, тил сюекден ётер.
Тойгъа алгъа да барма, тойда артха да къалма.
Чакъырылмагъан къонакъ тёрге атламаз.
Иши джокъну, сыйы джокъ.
Айтылгъан сёз ызына къайтмаз.
Башланнган иш битер, къымылдагъан тиш тюшер.
Ашлыкъны арба юйге келтирир, чана базаргъа элтир.
Акъыл къартда, джашда тюйюлдю – башдады.
Бети – къучакълар, джюреги – бычакълар.
Аман хансны – урлугъу кёб.
Тёрде – темир таякълы, къаяда – чыпчыкъ аякълы.
Атынг аманнга чыкъгъандан эсе, джанынг тамагъынгдан чыкъсын.
Чабакъ башындан чирийди.
Сагъыш – къартлыкъгъа сюйюмчю.
Келлик заман – къартлыкъ келтирир, кетген заман – джашлыкъ ёлтюрюр.
Тиширыусуз юй – отсуз от джагъа.
Тил бла келеди джыр да.
Сормай – алма, чакъырылмай – барма.
Башынга джетмегенни сорма.
Тёгюлген тюгел джыйылмайды.
Азыкълы ат арымаз, къатыны аман джарымаз.
Джылыгъа джылан илешир.
Магъанасыз сёз – тауушсуз сыбызгъы.
Билимли ёлмез, билимсиз кёрмез.
Ишни аллы бла къууанма да, арты бла къууан.
Джолда аягъынга сакъ бол, ушакъда тилинге сакъ бол.
Тин – байлыгъынг, терен саулугъунг.
Эки итни арасына сюек атма, эки адамны арасында сёз чыгъарма.
Эки къатын алгъан – эки ташны ортасына башын салгъан.
Гырджын – тепсини тамадасы.
Бюгюн дуния кибик, тамбла ахыратды.
Эл ауузу – элия.
Биреуге аманлыкъны тилеме да, кесинге ашхылыкъны тиле.
Акъылсызны джууукъгъа алма, акъыллыны кенгнге салма.
Арпа, будай – ащды, алтын, кюмюш а – ташды.
