Кёзден кетген, кёлден да кетеди.
Келгинчи, къонакъ уялыр, келгенден сора, къонакъбай уялыр.
Бир абыннган – минг сюрюнюр.
Ёлюр джаннга, ёкюл джокъ.
Тилсиз миллет джокъ болур.
Сабий болмагъан джерде, мёлек болмаз.
Аллахдан тилесенг, кёб тиле.
Игилик игилик бла сингдирилиучю затды.
Мухар, кеси тойса да, кёзю тоймаз.
Тас болгъан бычакъны сабы – алтын.
Ата – билек, ана – джюрек!
Бал ашаргъа сюе эсенг, чибин ургъаннга тёз.
Дуния малгъа сатылма, кесингден телиге къатылма.
Накъырда – кертини келечиси.
Ишин билген, аны сыйын чыгъарады.
Къарнынг ауруса, ауузунгу тый
Кютгени беш эчки, сызгъыргъаны уа, джерни джарады.
Байма, деб да, къууанма, джарлыма, деб да, джылама.
Юреннген ауруу къалмаз.
Экиндини кеч къылсанг, чабыб джетер ашхам.
Кеси юйюмде мен да ханма.
Аманнга алтын чыдамаз.
Тойгъа алгъа да барма, тойда артха да къалма.
Атадан ёксюз – бир ёксюз, анадан ёксюз – эки ёксюз.
Алим болгъандан эсе, адам болгъан къыйынды.
Ханнга да келеди хариблик.
Къулакъдан эсе, кёзге ышан.
Уллу суу бла уллу ауруудан башынгы сакъла.
Болджал ишни бёрю ашар.
Ач къарным, тынч къулагъым.
Кесине оноу эте билмеген, халкъына да эте билмез.
Ёлген аслан – сау чычхан.
Акъыл сабырлыкъ берир.
Насыб бютеу халкъны юлюшюдю.
Къралынгы – душмандан, башынгы от бла суудан сакъла.
Къонакъ аман болса, къонакъбай джунчур
Бети къызарыучу адамны, джюреги харам болмаз.
Телини эшигин, махтау джабар.
Къарт айтханны этмеген, къартаймаз.
Айырылгъанланы айю ашар, бёлюннгенлени бёрю ашар.
Сууда джау джокъ, кёб сёзде магъана джокъ.
Баргъанынга кёре болур келгенинг.
Татлы сёз – балдан татлы.
Ач келгенни – тойдур, кеч келгенни – къондур.
Аз сёлешген, къайгъысыз турур.
Сютден ауузу кюйген, суугъа юфгюре эди.
Атынг аманнга чыкъгъандан эсе, джанынг тамагъынгдан чыкъсын.
Байлыкъ болгъан джерде, тынчлыкъ джокъду.
Оюмсуз атлагъан, аджалсыз ёлюр.
Къуллукъчума, деб махтанма, къуллукъ – хаух джамчыды!
