Къозулугъунда тоймагъан, къойлугъунда тоймаз.
Аз айтсам, кёб ангылагъыз.
Къошда джокъгъа – юлюш джокъ.
Аджаллыгъа окъсуз шкок атылыр.
Сютден ауузу кюйген, суугъа юфгюре эди.
Адеб джокъда, намыс джокъ.
Харам къарнашдан, халал тенг ашхы.
Адамгъа аман кюн соруб келмейди.
Биреуню эскиси биреуге джангы болмайды.
Айныгъанлы алты кюн, тогъайгъанлы тогъуз кюн.
Кёз – сюйген джерде, къол – ауругъан джерде.
Биреу ашаб къутулур, биреу джалаб тутулур.
Кёлсюзден сёзсюз тууар.
Узун джолну барсанг, бюгюн келирсе, къысха джолну барсанг, тамбла келирсе.
Орну джокъну – сыйы джокъ.
Тик ёргени, тик энгишгеси да болады.
Биреуню тёрюнден, кесинги эшик артынг игиди.
Киштикге къанат битсе, чыпчыкъ къалмаз эди.
Этни бети бла шорпасы.
Кёрмегеннге кебек – танг, битмегеннге сакъал – танг.
Чомарт джарлы болмаз.
Тамырсыз терекге таянма – джыгъылырса.
Кёл ашады да, кеси ашады.
Къан бла кирген, джан бла чыгъар.
Юре билмеген ит, къонакъ келтирир.
Адамны бетине къарама, адетине къара.
Адамны джюреги нени кёрюрге сюйсе, кёзю да аны кёрюрге ёч болады.
Тёзгеннге, джабылгъан эшик ачылыр.
Къууут – джелге, берне – бошха.
Таула не мийик болсала да, аууш табылыр.
Къая джолда джортма, ачыкъ сёзден къоркъма.
Сагъышы джокъ – джукъучу, акъылы джокъ – къаугъачы.
Тёрени джагъы джокъ.
Агъач халкъгъа алтынды, иссиликге салкъынды.
Къазанчы аман болса, къазаны къайнамаз.
Кюл тюбюндеги от кёрюнмейди.
Ишлемеген – тишлемез.
Ичимден чыкъды хата, къайры барайым сата?
Сёз садакъдан кючлюдю.
Эте билген, этген этеди, эте билмеген, юретген этеди!
Экиндини кеч къылсанг, чабыб джетер ашхам.
Намыс сатылыб алынмайды.
Ачыу алгъа келсе, акъыл артха къалады.
Аман киши кеси юйюнде – къонакъ.
Сютню башын джалагъан къутулур, тюбюн ичген тутулур.
Джыланны къуйругъундан басарынг келсе, аны башы болгъанын унутма.
Терслик кетер, тюзлюк джетер.
Бир онгсуз адам адет чыгъарды, деб эштирик тюлсе.
Адамны сабийин сюйген джюреги, бычакъча, джитиди.
Джюрекден джюрекге джол барды.
