Тыш элде солтан болгъандан эсе, кесинги элде олтан болгъан игиди!
Къонакъ хазыр болгъанлыкъгъа, къонакъбай хазыр тюлдю.
Ауузу аманнга «иги», деме.
Таула не мийик болсала да, аууш табылыр.
Ана къолу ачытмаз.
Акъыл сабырлыкъ берир.
Сабий болмагъан джерде, мёлек болмаз.
Элде адам къалмаса, ит тахтагъа минер.
Окъугъан – асыу, окъумагъан – джарсыу.
Сууда джау джокъ, кёб сёзде магъана джокъ.
Эллинг бла джау болсанг да, юйюнг бла джау болма.
Къыйынлы джети элни къайгъысын этер.
Джылкъыдан – ат чыгъар, тукъумдан – джаш чыгъар.
Джангыз терек къынгыр ёсер.
Окъугъанны бети джарыкъ.
Къуллукъчума, деб махтанма, къуллукъ – хаух джамчыды!
Къонакъ аман болса, къонакъбай джунчур
Иги адамны бир сёзю эки болмаз.
Алма терегинден кери кетмез.
Бир абыннган – минг сюрюнюр.
Ат басханны джер билед.
Окъ къызбайны джокълайды.
Тойчу джашха къарама, къойчу джашха къара.
Арпа, будай – ащды, алтын, кюмюш а – ташды.
Онгсузну – джакъла, тенгликни – сакъла.
Намыс болмагъан джерде, насыб болмаз.
Тай асырагъан, атха минер.
Рысхы – насыбха къор.
Ач уят къоймаз.
Кёл – къызбай, къол – батыр.
Кёрмегеннге кебек – танг, битмегеннге сакъал – танг.
Аз айтсам, кёб ангылагъыз.
Джырчы ёлсе, джыры къалыр.
Этни бети бла шорпасы.
Ауругъанны сау билмез, ач къарынны токъ билмез.
Ачыкъ джюрекге джол – ачыкъ.
Аллахха ийнаннган кишини, Аллах онгдурур ишин.
Чыкълы кюнде чыкъмагъан, чыкъса къуру кирмеген.
Къалгъан ишге къар джауар.
Джюз элде джюз ёгюзюм болгъандан эсе, джюз джууугъум болсун.
Тау башында, тау болмаз, джангыз терек, бау болмаз.
Олтуруб кёрюнмей эди да, ёрге туруб кёрюне эди.
Эшекни не къадар тюйсенг да, ат болмаз.
Тешик этген тынчды, аны джамагъан къыйынды.
Айыбны суу бла джууалмазса.
Сескекли кесин билдирир.
Билимли ёлмез, билимсиз кёрмез.
Адамны артындан къара сабан сюрме.
Сакъламагъан затынга джолукъсанг, не бек къууанаса, не бек ачыйса.
Ёлген аслан – сау чычхан.
