Джарашыу сюйген – джалынчакъ.
Джыланны къуйругъундан басарынг келсе, аны башы болгъанын унутма.
Сабыр джетер муратха, сабырсыз къалыр уятха.
Ашда – бёрю, ишде – ёлю.
Суу ичген шауданынга тюкюрме.
Окъугъан озар, окъумагъан тозар.
Чабар ат – джетген къыз.
Ашда уялгъан – мухар, ишде уялгъан – хомух.
Адамгъа аман кюн соруб келмейди.
Ёлген аслан – сау чычхан.
Ышармагъан – кюлмез, кюлмеген – къууанчны билмез.
Ётюрюкню башын керти кесер.
Ариу – кёзге, акъыл – джюрекге.
Аман къатын алгъан, арыр, иги къатын алгъан джарыр.
Окъугъан – асыу, окъумагъан – джарсыу.
Байны оноуу, джарлыгъа джарамаз.
Къыйынлы джети элни къайгъысын этер.
Къарнынг тойгъунчу аша да, белинг талгъынчы ишле.
Ариу сёз джыланны орнундан чыгъарыр.
Агъач халкъгъа алтынды, иссиликге салкъынды.
Кюл тюбюндеги от кёрюнмейди.
Ана – юйню кюн джарыгъы.
Къыйынлы джети элге оноу этер.
Чабакъсыз кёлге къармакъ салгъанлыкъгъа, чабакъ тутмазса.
Азыгъы аз, алгъа къабар, аты аман, алгъа чабар.
Къулакъдан эсе, кёзге ышан.
Кечеси – аяз, кюню – къыш, джарлы къаргъагъа бир аш тюш!
Алгъанда – джууукъ, бергенде – джау.
Ишни аллы бла къууанма да, арты бла къууан.
Махтаннган къыз, тойда джукълар.
Билмейме деген – бир сёз
Къаллай салам берсенг, аллай джууаб алырса.
Чабакъгъа акъыл, табагъа тюшсе келеди.
Къууут – джелге, берне – бошха.
Эл ауузу – элек, анга ийнаннган – халек.
Ашлыкъ – бюртюкден, джюн – тюкден.
Хар ишни да аллы къыйынды.
Бозанг болмагъан джерге, къалагъынгы сукъма.
Кюн кёрмеген, кюн кёрсе, кюндюз чыракъ джандырыр.
Къартны бурнун сюрт да, оноугъа тут.
Кёз – сюйген джерде, къол – ауругъан джерде.
Къыз тиширыу кеси юйюнде да къонакъды.
Ёзденликни кёбю ётюрюк.
Байлыкъ тауусулур, билим тауусулмаз.
Элни кючю – эмеген.
Кёб ант этген, кёб ётюрюк айтыр.
Чабакъ башындан чирийди.
Кюлме джашха – келир башха.
Тиширыусуз юй – отсуз от джагъа.
Тили узунну, намысы – къысха.
