Ач – эснер, ат – кишнер.
Къалгъан ишге къар джауар.
Ач бёрюге мекям джокъ.
Ёлюр джаннга, ёкюл джокъ.
Игиге айтсанг – билир, аманнга айтсанг – кюлюр.
Эрни эр этерик да, къара джер этерик да, тиширыуду.
Сормай – алма, чакъырылмай – барма.
Намысы джокъну – дуниясы джокъ.
Ата Джуртуму башы болмасам да, босагъасында ташы болайым.
Къозулугъунда тоймагъан, къойлугъунда тоймаз.
Адебсиз адам – джюгенсиз ат.
Адам туугъан джеринде, ит тойгъан джеринде.
Ашда – бёрю, ишде – ёлю.
Тай асырагъан, атха минер.
Къанны къан бла джуума, аманны аман бла къуума.
Кёзю сокъурдан – къоркъма, кёлю сокъурдан – къоркъ.
Рысхы джалгъанды: келген да этер, кетген да этер.
Тамчы таш тешер.
Байны оноуу, джарлыгъа джарамаз.
Къонакъ кёб келюучю юйню, къазаны отдан тюшмез.
Махтаннган къыз, тойда джукълар.
Биреуню эскиси биреуге джангы болмайды.
Керилген да, ургъан кибикди.
Баланы адам этген анады.
Хантына кёре тузу, юйюне кёре къызы.
Байлыкъ тауусулур, билим тауусулмаз.
Акъыл бла адеб эгизледиле.
Тилчи тилден къаныкъмаз.
Садакъачыны джаны – къапчыгъында.
Ата – билек, ана – джюрек!
Халкъны юйю – туугъан джери.
Бети бедерден, намыс сакълама.
Билим ат болуб да чабар, къуш болуб да учар.
Аман адам элни бир-бирине джау этер.
Дуния малгъа сатылма, кесингден телиге къатылма.
Билмезни кёзю кёрмез, этмезни къулагъы эшитмез.
Кюлме джашха – келир башха.
Къызгъанчдан ычхыныр, мухардан ычхынмаз.
Тиширыусуз юй – отсуз от джагъа.
Игилик игилик бла сингдирилиучю затды.
Биреу къой излей, биреу той излей.
Джырчы ёлсе, джыры къалыр.
Къая джолда джортма, ачыкъ сёзден къоркъма.
Орну джокъну – сыйы джокъ.
Къан бла кирген, джан бла чыгъар.
Аш берме да, къаш бер.
Тил джюрекге джол ишлейди.
Джогъун бар этген, барын бал этген.
«Ма», - дегенни билмесенг, «бер», - дегенни билмезсе.
Ётген ёмюр – акъгъан суу.
