Айран тёгюлсе, джугъусу къалыр.
Кютгени беш эчки, сызгъыргъаны уа, джерни джарады.
Аманнга алтын чыдамаз.
Тил джюрекге джол ишлейди.
Сескекли кесин билдирир.
Таукелге нюр джауар.
Окъугъан – асыу, окъумагъан – джарсыу.
Керти сёзге тёре джокъ.
Иги сёз – джаннга азыкъ, аман сёз башха – къазыкъ.
Хар сёзню орну барды.
Бастасын ашагъан, хантусун да ичер.
Къозулугъунда тоймагъан, къойлугъунда тоймаз.
Байлыкъ болгъан джерде, тынчлыкъ джокъду.
Мал тутхан – май джалар.
Халкъны джырын джырласанг, халкъ санга эжиу этер.
Атлыны кёрсе, джаяуну буту талыр.
Къонагъы джокъну – шоху джокъ.
Адамны аты башхача, акъылы да башхады.
Ариу – кёзге, акъыл – джюрекге.
Джыланны къуйругъундан басарынг келсе, аны башы болгъанын унутма.
Чабакъсыз кёлге къармакъ салгъанлыкъгъа, чабакъ тутмазса.
Ичимден чыкъды хата, къайры барайым сата?
Ачыкъ джюрекге джол – ачыкъ.
Гугук кесини атын айтыб къычыргъанча, мен, мен деб нек тураса?
Ёлмесенг да, къарт дамы болмазса?
Хантына кёре тузу, юйюне кёре къызы.
Тура эдим джата, къайдан чыкъды хата?
Сакъалы текени да бар, мыйыгъы киштикни да бар.
Кёзю сокъурдан – къоркъма, кёлю сокъурдан – къоркъ.
Алим болгъандан эсе, адам болгъан къыйынды.
Ариу сёз аурууунгу алыр.
Уруну арты – къуру.
Бойнуму джети джерден кессенг да, мен ол ишни этеллик тюлме.
Джашда акъыл джокъ, къартда къарыу джокъ.
Ойнаб айтсанг да, эслеб айт.
Билгенни къолу къарны джандырыр.
Экеу тутушса, биреу джыгъылыр.
Тойгъан джерден туугъан джер игиди.
Къолу уллу – асыу, аягъы уллу – джарсыу.
Къуллукъчума, деб махтанма, къуллукъ – хаух джамчыды!
Ойнай билмеген, оюн бузар.
Тюзлюк шохлукъну бегитир.
Ашхы тенг джолгъа салыр, аман тенг джолдан тайдырыр.
Чомарт къолда мал къалмаз.
Акъыл къартда, джашда тюйюлдю – башдады.
Джырына кёре эжиую.
Бозанг болмагъан джерге, къалагъынгы сукъма.
Бетинги сатма, малынгы сат.
Ач къарным, тынч къулагъым.
Ауурну тюбю бла, дженгилни башы бла джюрюген.
