Иесиз малны бёрю ашар.
Билгенни къолу къарны джандырыр.
Ач да бол, токъ да бол – намысынга бек бол.
Тёрде – темир таякълы, къаяда – чыпчыкъ аякълы.
Бюгюн дуния кибик, тамбла ахыратды.
Эшекни не къадар тюйсенг да, ат болмаз.
Тилчиден кери бол.
Ашхы болсанг, атынг чыгъар, аман болсанг, джанынг чыгъар.
Тойчу джашха къарама, къойчу джашха къара.
Ачылгъан эт джабылыр, кёрген кёз унутмаз.
Джаным-тиним – окъуу, билим.
Босагъа таш юйге кирмей эди, тыбыр таш эшикге чыкъмай эди.
Чакъырылгъанны аты, чакъырылмагъанны багъасы болур.
Айтылгъан буйрукъ, сёгюлмез
Олтуруб кёрюнмей эди да, ёрге туруб кёрюне эди.
Бастасын ашагъан, хантусун да ичер.
Кёпюр салгъан кеси ётер, уру къазгъан кеси кетер.
Къыз келсе, джумуш эте келеди, къатын келсе, ушакъ эте келеди.
Къартны сыйын кёрмеген, къартлыгъында сыйлы болмаз.
Хунаны тюбюн къазсанг, юсюнге ауар.
Тёрдеги кюлсе, эшикдеги ышарыр.
Тилчи тилден къаныкъмаз.
Ариу сёз – къылычдан джити.
Хар ишни да аллы къыйынды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Адебсиз адам – джюгенсиз ат.
Джырчы джырчыгъа – къарнаш.
Ашхылыкъ джерде джатмайды, аманлыкъ суугъа батмайды.
Бёрю да ач къалмасын, эчки да ашалмасын.
Бермеген къол, алмайды.
Этим кетсе да, сюегим къалыр.
Эртде тургъан бла эртде юйленнген сокъуранмаз.
Халкъны джырын джырласанг, халкъ санга эжиу этер.
Бет бетге къараса, бет да джерге къарар.
Тилчи бир сагъатха айлыкъ хата этер.
Эте билген, этген этеди, эте билмеген, юретген этеди!
Кёб джашагъан – кёб билир.
Тай асырагъан, атха минер.
Аллахдан тилесенг, кёб тиле.
Тойгъан антын унутур.
Баланы адам этген анады.
Уллу атлама – абынырса, уллу къабма – къарылырса.
Къонакъ хазыр болгъанлыкъгъа, къонакъбай хазыр тюлдю.
Суу да къайтады чыкъгъан джерине.
Тилсиз миллет джокъ болур.
Ачыу алгъа келсе, акъыл артха къалады.
Бойнуму джети джерден кессенг да, мен ол ишни этеллик тюлме.
От этилмеген джерден тютюн чыкъмайды.
Эри аманны, къатыны – аман.
Ёпкелегенни ашы татлы болады.
