Юй кюйдю да, кюйюз чыкъды, ортасындан тюйюш чыкъды.
Окъуусуз билим – джокъ, билимсиз кюнюнг – джокъ.
Эки элинги тыйсанг, джети элде махталырса.
Чыкълы кюнде чыкъмагъан, чыкъса къуру кирмеген.
Къыз тиширыу кеси юйюнде да къонакъды.
Ауругъанны сау билмез, ач къарынны токъ билмез.
Аш берме да, къаш бер.
Адамны бетине къарама, адетине къара.
Къарнынг тойгъунчу аша да, белинг талгъынчы ишле.
Ачыкъ джюрекге джол – ачыкъ.
Акъыл бла адеб эгизледиле.
Абынмазлыкъ аякъ джокъ, джангылмазлыкъ джаякъ джокъ.
Биреуню тёрюнден, кесинги эшик артынг игиди.
Къазанны башы ачыкъ болса, итге уят керекди.
Ойнай-ойнай кёз чыгъар.
Ётюрюкню башын керти кесер.
Сыфатында болмагъаны, суратында болмаз.
Баш – акъыл ючюн, акъылман – халкъ ючюн.
Берекет берсин деген джерде, берекет болур.
Кютгени беш эчки, сызгъыргъаны уа, джерни джарады.
Мураты болгъанны джюрек тебюую башхады.
Билимсиз иш бармаз.
Гугук кесини атын айтыб къычыргъанча, мен, мен деб нек тураса?
Аууз сакълагъан – джан сакълар.
Адам къыйынлыгъын кёлтюрюр, зауукълугъун кёлтюрмез.
Байлыкъ тауусулур, билим тауусулмаз.
Къызны минг тилер, бир алыр.
Биреуню къыйынлыгъы бла кесинге джол ишлеме.
Джарлы эскисин джамаса, къууаныр.
Ёлмесенг да, къарт дамы болмазса?
Босагъа таш юйге кирмей эди, тыбыр таш эшикге чыкъмай эди.
Сёлеш деб шай берген, тохта деб, сом берген.
Адебни адебсизден юрен.
Бал чибинни ургъаны – ачы, балы – татлы.
Аякъларынгы джууургъанынга кёре узат.
Окъдан джара эртде-кеч болса да бителир, сёз джара, ёмюрге къалыр.
Ач – эснер, ат – кишнер.
Джырчы ёлсе, джыры къалыр.
Аллахдан тилесенг, кёб тиле.
Биреуге кёлтюрген таягъынг, кесинги башынга урур.
Минг тенг да азды, бир джау да кёбдю.
Тойгъанлыкъ къойгъа джарашады.
Мадар болса, къадар болур.
Рысхы – насыбха къор.
Душманны тышы – акъ, ичи – къара.
Ауузу бла къуш тута айланады.
Керти сёзге тёре джокъ.
Ата Джуртун танымагъан, атасын да танымаз.
Джашлыкъ этмеген, башлыкъ этмез.
Мухарны эси – ашарыкъда.
