Джаралыны джастыгъында сау ёлюр.
Джарлы эскисин джамаса, къууаныр.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Акъыл къартда, джашда тюйюлдю – башдады.
Ханы къызы буюгъа-буюгъа киштик болду.
Ата – билек, ана – джюрек!
Билим къая тешер.
Гугурук къычырмаса да, тангны атары къалмаз.
Бастасын ашагъан, хантусун да ичер.
Тенгни тенглиги джашай барсанг билинир.
Бермеген къол, алмайды.
Тилчиден кери бол.
Аджаллыгъа окъсуз шкок атылыр.
Тешигини къатында, чычхан да батыр болур.
Адамгъа аман кюн соруб келмейди.
Кечеси – аяз, кюню – къыш, джарлы къаргъагъа бир аш тюш!
Борчунг бар эсе, хурджунунга ойлаб узал.
Билими азны – ауузунда кирит.
Къумурсхала джыйылсала, пилни да джыгъадыла.
Ашхы болсанг, атынг чыгъар, аман болсанг, джанынг чыгъар.
Уясында не кёрсе, учханында аны этер.
Миллетни бойну – базыкъ, аны бла кюрешген – джазыкъ.
Юре билмеген ит, къонакъ келтирир.
Эллинг бла джау болсанг да, юйюнг бла джау болма.
Къарнынг бла ёч алма.
Арпа, будай – ащды, алтын, кюмюш а – ташды.
Юй кюйдю да, кюйюз чыкъды, ортасындан тюйюш чыкъды.
Къолу уллу – асыу, аягъы уллу – джарсыу.
Киштикге къанат битсе, чыпчыкъ къалмаз эди.
Акъдан къара болмаз.
Адам туугъан джеринде, ит тойгъан джеринде.
Къартны бурнун сюрт да, оноугъа тут.
Джан саулукъ бермей, сан саулукъ бермезсе.
Тешик этген тынчды, аны джамагъан къыйынды.
Байны къызы баймакъ болса да, юйде къалмаз!
Ач бёрюге мекям джокъ.
Чоюнну башы ачыкъ болса, итге уят керекди.
Джол бла сёзню къыйыры джокъ.
Ач къалгъандан, кеч къалгъан къолай.
Аллахдан тилесенг, кёб тиле.
Акъыл неден да кючлюдю.
Къыз чыгъаргъан – къызыл къымжа.
Сескекли кесин билдирир.
Билмегенинги, билгеннге сор.
Тёрдеги кюлсе, эшикдеги ышарыр.
Ашхы атаны – джашы ашхы, ашхы ананы – къызы ашхы.
Джыйырма къойну юч джыйырма эбзе кюте эди.
Адам сёзюнден белгили.
Мал кёб болса, джууукъ кёб болур.
Нёгер болсанг, тенг бол, тенг болмасанг, кенг бол.
