Кюн – узун, ёмюр – къысха.
Чомартны къолу берекет.
Адеб базарда сатылмаз.
Къуллукъчума, деб махтанма, къуллукъ – хаух джамчыды!
Аллахдан тилесенг, кёб тиле.
Окъумагъан сокъурду, сокъур ташха абыныр!
Аш берме да, къаш бер.
Айранны сюйген, ийнек тутар.
Алим болгъандан эсе, адам болгъан къыйынды.
Эринчекни эр алмаз, эр алса да, кёл салмаз, кёл салса да, кёб бармаз!
Дженгил джетерикме деб, узун джолну къоюб, къысхасын барма.
Экеу тутушса, биреу джыгъылыр.
Кёбню кёрген – кёб билир.
Бойнуму джети джерден кессенг да, мен ол ишни этеллик тюлме.
Тамбла алтындан бюгюн багъыр ашхы.
Иги сёз – джаннга азыкъ, аман сёз башха – къазыкъ.
Джумушакъ сёз къаты таякъны сындырыр.
Ариу сёзде ауруу джокъ.
Керек ташны ауурлугъу джокъ.
Акъыллы айтыр эди, акъылсыз къоймайды.
Телини эшигин, махтау джабар.
Кёб къычыргъандан – къоркъма, тынч олтургъандан – къоркъ.
Кёлю джокъну – джолу джокъ.
Итли къонакъ джарашмаз.
Биреуге аманлыкъны тилеме да, кесинге ашхылыкъны тиле.
Ушамагъан – джукъмаз.
Элиб деген, элге болушур.
Мал тутхан – май джалар.
Эки къатын алгъанны къулагъы тынгнгаймаз.
Айырылмаз джууугъунга, унутмаз сёзню айтма.
Аман къатын алгъан, арыр, иги къатын алгъан джарыр.
Ёзденликни кёбю ётюрюк.
Чомартха Тейри да борчлуду.
Бозанг болмагъан джерге, къалагъынгы сукъма.
Ач келгенни – тойдур, кеч келгенни – къондур.
Эл ауузу – элек, анга ийнаннган – халек.
Къууут – джелге, берне – бошха.
Айран тёгюлсе, джугъусу къалыр.
Тамырсыз терекге таянма – джыгъылырса.
Борчунг бар эсе, хурджунунга ойлаб узал.
Тели турса – той бузар.
Тюзню ётмеги тюзде къалса да, тас болмаз.
Харам къарнашдан, халал тенг ашхы.
Ариу – кёзге, акъыл – джюрекге.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къолу уллу – асыу, аягъы уллу – джарсыу.
Шапа кёб болса, аш татымсыз болур.
Нафысынгы айтханын этме, намысынгы айтханын эт.
Дуния аламаты сен эсенг да, игиме деб айтма.
Байны къызы баймакъ болса да, юйде къалмаз!
