Джахил болса анасы, не билликди баласы?
Ана къойну – балагъа джандет.
Эринчекни эр алмаз, эр алса да, кёл салмаз, кёл салса да, кёб бармаз!
Джерни букъусу кёкге къонмаз.
Уллу сёлешме да, уллу къаб.
Тойгъан антын унутур.
Адамны сыфатына къарама, сёзюне къара.
Нёгер болсанг, тенг бол, тенг болмасанг, кенг бол.
Термилгенинги табмазса, кюлгенинге тюберсе.
Тенгинг джокъ эсе – изле, бар эсе – сакъла!
Ётген ёмюр – акъгъан суу.
Аджашхан тёгерек айланыр.
Эркишиге тары кебек танг кёрюнюр.
Ашаса, ашамаса да, бёрюню ауузу – къан.
Ёгюзню мюйюзлери ауурлукъ этмейдиле.
Кёбге таш атма.
Чомарт джарлы болмаз.
Джарлы эскисин джамаса, къууаныр.
Иги – алгъыш этер, аман – къаргъыш этер.
Нафысынгы айтханын этме, намысынгы айтханын эт.
Айранны сюйген, ийнек тутар.
Хар сёзню орну барды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Игиге айтсанг – билир, аманнга айтсанг – кюлюр.
Джыйырма къойну юч джыйырма эбзе кюте эди.
Аджал соруб келмез, келсе, къайтыб кетмез.
Таугъа чыгъаллыкъ эсенг, тюзде къалма.
Борчунг бар эсе, хурджунунга ойлаб узал.
Эки къатын алгъанны къулагъы тынгнгаймаз.
Ёзденликни джайгъан – джокълукъ.
Башсыз урчукъ тюзюне айланмаз.
Билим насыб берир, билим джолну керир.
Бал чибинни ургъаны – ачы, балы – татлы.
Уллу айтханны этмеген – уллаймаз.
Акъыллы – эл иеси, тели – эл баласы.
Ёлген аслан – сау чычхан.
Чёбню кёлтюрсенг, тюбюнден сёз чыгъар.
Олтуруб кёрюнмей эди да, ёрге туруб кёрюне эди.
Къартха ушагъан джаш – акъыллы, джашха ушагъан къарт – тели.
Ашарыкъда сайлагъаннга – чий гырджын.
Окъуусуз билим – джокъ, билимсиз кюнюнг – джокъ.
Мени джылытмагъан кюн, меннге тиймесин!
Джарлыны тону джаз битер.
Чомартны къолун джокълукъ байлар.
Адамгъа аман кюн соруб келмейди.
Терслик кетер, тюзлюк джетер.
Этни бети бла шорпасы.
Азыгъы аз, алгъа къабар, аты аман, алгъа чабар.
Танг атмайма десе да, кюн къоярыкъ тюйюлдю.
Сакъламагъан затынга джолукъсанг, не бек къууанаса, не бек ачыйса.
