Азыкъ аз болса, эртде орун сал.
Намысы джокъну – дуниясы джокъ.
Ёпкелегенни ашы татлы болады.
Нёгер болсанг, тенг бол, тенг болмасанг, кенг бол.
Сабий болмагъан джерде, мёлек болмаз.
Алма терегинден кери кетмез.
Къыйынлы джети элге оноу этер.
Къарнынг ауруса, ауузунгу тый
Джаш болсун, къыз болсун, акъылы, саны тюз болсун.
Кёзню ачылгъаны – иги, ауузну джабылгъаны – иги.
Кёлю джокъну – джолу джокъ.
Джауумдан сора, кюн кюйдюрюр, ётюрюкден сора, айыб кюйдюрюр.
Келлик заман – къартлыкъ келтирир, кетген заман – джашлыкъ ёлтюрюр.
Нарт сёз къарт болмаз.
Бёрю да ач къалмасын, эчки да ашалмасын.
Аман киши кеси юйюнде – къонакъ.
Джылар джаш, атасыны сакъалы бла ойнар.
Иги джашны ышаны – аз сёлешиб, кёб тынгылар.
Къызгъанчдан ычхыныр, мухардан ычхынмаз.
Тили узунну, намысы – къысха.
Шекер бла туз – бир болмаз, ушамагъан – юй болмаз.
Ашын ашагъанынгы, башын да сыйла.
Эртде тургъан бла эртде юйленнген сокъуранмаз.
Мухар, кеси тойса да, кёзю тоймаз.
Ургъан суудан башынгы сакъла.
Чалманны аллы къалай башланса, арты да алай барады.
Тойгъа алгъа да барма, тойда артха да къалма.
Кирсизни – саны таза, халалны – къаны таза.
Адеб этмеген, адеб кёрмез.
Уллу сёзде уят джокъ.
Ат басханны джер билед.
Башы джабылгъан челекге, кир тюшмез.
Магъанасыз сёз – тауушсуз сыбызгъы.
Тёрени джагъы джокъ.
Къумурсхала джыйылсала, пилни да джыгъадыла.
Дуния малгъа сатылма, кесингден телиге къатылма.
Тилде сюек болмаса да, сюек сындырыр.
Джангыз терек къынгыр ёсер.
Ишни аллы бла къууанма да, арты бла къууан.
Арбаз къынгырды да, ийнек сауалмайма.
Айтхан сёзюне табылгъан.
Айырылмаз джууугъунга, унутмаз сёзню айтма.
Кёл ашады да, кеси ашады.
Эркишини аманы тиширыуну джылатыр.
Мадар болса, къадар болур.
Ат да турмайды бир териде.
Къаллай салам берсенг, аллай джууаб алырса.
Уясында не кёрсе, учханында аны этер.
Эшекни не къадар тюйсенг да, ат болмаз.
Ёмюрлюк шохлукъну джел элтмез.
