Aдам боллукъ, сыфатындан белгили.
Къыйынлы джети элге оноу этер.
Къуллукъчума, деб махтанма, къуллукъ – хаух джамчыды!
Къарнынг бла ёч алма.
Сабыр джетер муратха, сабырсыз къалыр уятха.
Бал – татлы, балдан да бала – татлы.
Окъдан джара эртде-кеч болса да бителир, сёз джара, ёмюрге къалыр.
Тешик этген тынчды, аны джамагъан къыйынды.
Аман къатын алгъан, арыр, иги къатын алгъан джарыр.
Ушамагъан – джукъмаз.
Чыкълы кюнде чыкъмагъан, чыкъса къуру кирмеген.
Уллу сёлешме да, уллу къаб.
Тили узунну, намысы – къысха.
Соргъан айыб тюлдю, билмеген айыбды.
Ким бла джюрюсенг, аны кёзю бла кёрюнюрсе.
Ач къалгъандан, кеч къалгъан къолай.
Сыфатында болмагъаны, суратында болмаз.
Рысхы – насыбха къор.
Акъыллы айтыр эди, акъылсыз къоймайды.
Айранны сюйген, ийнек тутар.
Эркиши – от, тиширыу – суу.
Аш иеси бла татлыды.
Тамчы таш тешер.
«Ма», - дегенни билмесенг, «бер», - дегенни билмезсе.
Тил джюрекге джол ишлейди.
Ёлмесенг да, къарт дамы болмазса?
Джашынгы кесинг юретмесенг, джашау юретир.
Орундукъ тюбюнде атылсам да, орта джиликме, де да айлан.
Таякъ этден ётер, тил сюекден ётер.
Чакъырылмагъан къонакъ тёрге атламаз.
Тилчи бир сагъатха айлыкъ хата этер.
Байлыкъ тауусулур, билим тауусулмаз.
Сормай – алма, чакъырылмай – барма.
Джашда акъыл джокъ, къартда къарыу джокъ.
Тешигини къатында, чычхан да батыр болур.
Джангыз терек къынгыр ёсер.
Окъугъанны бети джарыкъ.
Ётюрюк хапар аякъ тюбю бла джюрюйдю.
Акъыллы – эл иеси, тели – эл баласы.
Джахил болса анасы, не билликди баласы?
Илму – джашауну джолу.
Аманны эки битли тону болур, бирин сеннге кийдирир, бирин кеси киер.
Узун джолну барсанг, бюгюн келирсе, къысха джолну барсанг, тамбла келирсе.
Сангырау къулакъ эл бузар.
Хар ишни да аллы къыйынды.
Эркишини аманы тиширыуну джылатыр.
Элни кючю – эмеген.
Кёз – сюйген джерде, къол – ауругъан джерде.
Ашхы болсанг, атынг чыгъар, аман болсанг, джанынг чыгъар.
Джюрек кёзден алгъа кёрюр.
