Сыфатында болмагъаны, суратында болмаз.
Хантына кёре тузу, юйюне кёре къызы.
Джюрекден джюрекге джол барды.
Кийим тукъум сордурур.
Чёбню кёлтюрсенг, тюбюнден сёз чыгъар.
Келгинчи, къонакъ уялыр, келгенден сора, къонакъбай уялыр.
Джюрек кёзден алгъа кёрюр.
Билмейме деген – бир сёз
Къонакъ кёб келюучю юйню, къазаны отдан тюшмез.
Къатын къылыкъсыз, эр тынчлыкъсыз.
Джан саулукъ бермей, сан саулукъ бермезсе.
Байлыкъ тауусулур, билим тауусулмаз.
Арыгъан къош чамчы болур.
Бёрю да ач къалмасын, эчки да ашалмасын.
Аман адам этегингден тутса, кес да къач.
Чарсда алчыны эл кёреди.
Дженгил джетерикме деб, узун джолну къоюб, къысхасын барма.
Баргъанынга кёре болур келгенинг.
Ёксюзню тилеги къабыл болур.
Чакъырылгъанны аты, чакъырылмагъанны багъасы болур.
Къартны сыйын кёрмеген, къартлыгъында сыйлы болмаз.
Айтылгъан сёз ызына къайтмаз.
Накъырданы арты керти болур.
Адам туугъан джеринде, ит тойгъан джеринде.
Кечеси – аяз, кюню – къыш, джарлы къаргъагъа бир аш тюш!
Ётюрюкню къуйругъу – бир тутум.
Джогъун бар этген, барын бал этген.
Узун джолну барсанг, бюгюн келирсе, къысха джолну барсанг, тамбла келирсе.
Нафысынгы айтханын этме, намысынгы айтханын эт.
Эки элинги тыйсанг, джети элде махталырса.
Джолда аягъынга сакъ бол, ушакъда тилинге сакъ бол.
Билим къая тешер.
Ачылгъан эт джабылыр, кёрген кёз унутмаз.
Мухардан ач ычхынмаз.
Юй ишлеген балта эшикде къалыр.
Тешик этген тынчды, аны джамагъан къыйынды.
Къралынгы – душмандан, башынгы от бла суудан сакъла.
Эринчекге кюн узун.
Юйюнг бла джау болгъандан эсе, элинг бла джау бол.
Таукел къуру къалмаз.
Ауругъанны сау билмез, ач къарынны токъ билмез.
Босагъагъа джууукъ орун болса, ашыгъыб тёрге озма.
Ёнгкюч къууана барыр, джылай келир.
Адамны аты башхача, акъылы да башхады.
Хазыр ашха – терен къашыкъ.
Махтаннган къыз, тойда джукълар.
Джиби бир къат джетмей эди да, эки къат тарта эди.
Окъугъан озар, окъумагъан тозар.
Ачлыкъда тары гырджын халыуадан татлы.
Акъылсызны джууукъгъа алма, акъыллыны кенгнге салма.
