Чакъырылмай келген къонакъ сыйланмай кетер.
Татлы сёз – балдан татлы.
Зар адамны насыбы болмаз.
Ач къалгъандан, кеч къалгъан къолай.
Къарын къуру болса, джюрек уру болур.
Окъуусуз билим – джокъ, билимсиз кюнюнг – джокъ.
Ачыкъ джюрекге джол – ачыкъ.
Окъ къызбайны джокълайды.
Ауругъаннга – кийик саулукъ, джетген къызгъа – чилле джаулукъ.
Эшекни не къадар тюйсенг да, ат болмаз.
Джаш къарыу бла кючлю, къарт акъыл бла кючлю.
Окъугъан озар, окъумагъан тозар.
Эркишини аманы тиширыуну джылатыр.
Джюрек кёзден алгъа кёрюр.
Накъырда – кертини келечиси.
Ариу сёз джыланны орнундан чыгъарыр.
Баш болса, бёрк табылыр.
Телиге акъыл салгъандан эсе, ёлгеннге джан салырса.
Джети тилни билген джети кишиди.
Джашынгы кесинг юретмесенг, джашау юретир.
Тюзлюк шохлукъну бегитир.
Мадар болса, къадар болур.
Джаханимни кёрмей, джандетге кёл салмазса.
Джеринден айырылгъан – джети джылар, джуртундан айырылгъан – ёлгюнчю джылар.
Чакъырылмагъан джерге барма, чакъырылгъан джерден къалма.
Узун джолну барсанг, бюгюн келирсе, къысха джолну барсанг, тамбла келирсе.
Кёрмегеннге кебек – танг, битмегеннге сакъал – танг.
Джаралыны джастыгъында сау ёлюр.
Мухарны эси – ашарыкъда.
Адамны аманы адамны бети бла ойнар.
Тамбла алтындан бюгюн багъыр ашхы.
Аууз сакълагъан – джан сакълар.
Аман къатын алгъан, арыр, иги къатын алгъан джарыр.
Насыблы элин сюер, насыбсыз кесин сюер.
Къарт болгъан джерде, берекет болур, сабий болгъан джерде, оюн болур.
Джарашыу сюйген – джалынчакъ.
Айтхан сёзюне табылгъан.
Рысхы джалгъанды: келген да этер, кетген да этер.
Бек анасы джыламаз.
Окъуу – билимни ачхычы, окъуу – дунияны бачхычы.
Хар зат кесини орнуна иги.
Иги бла джюрюсенг, джетерсе муратынга, аман бла джюрюсенг, къалырса уятха.
Ата джурт – алтын бешик.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ашхы атаны – джашы ашхы, ашхы ананы – къызы ашхы.
Асхат ашлыкъ сата, юйдегиси ачдан къата.
Аман хансны – урлугъу кёб.
Къарт айтханны этмеген, къартаймаз.
Кесинг сынамагъан затны, адамгъа буюрма.
Арпа, будай – ащды, алтын, кюмюш а – ташды.
