Аманнга игилик этсенг, юйюнге сау бармазса.
Хата – гитчеден.
Бетинги сатма, малынгы сат.
Ётюрюкню къуйругъу – бир тутум.
Байны къызы баймакъ болса да, юйде къалмаз!
Мени джылытмагъан кюн, меннге тиймесин!
Аман киши кеси юйюнде – къонакъ.
Рысхысына кёре, джаш ёсер, къышлыгъына кёре, мал ёсер.
Тамчы таш тешер.
Кюн кёрмеген, кюн кёрсе, кюндюз чыракъ джандырыр.
Чомартны къолун джокълукъ байлар.
Юйюнг бла джау болгъандан эсе, элинг бла джау бол.
Шекер бла туз – бир болмаз, ушамагъан – юй болмаз.
Байдан умут эте, джарлыдан ёгюз багъасы къорады.
Уллу айтханны этмеген – уллаймаз.
Къонакъ аман болса, къонакъбай джунчур
Къыз тиширыу кеси юйюнде да къонакъды.
Борчунг бар эсе, хурджунунга ойлаб узал.
Ышармагъан – кюлмез, кюлмеген – къууанчны билмез.
Ариуну – ауруу кёб.
Иги джашны ышаны – аз сёлешиб, кёб тынгылар.
Эркишиге тары кебек танг кёрюнюр.
Мухардан ач ычхынмаз.
«Ёгюз, джаргъа джууукъ барма, меннге джюк боллукъса», - дегенди эшек.
Терек ауса, отунчу – кёб.
Ургъан суудан башынгы сакъла.
Булут кёкге джарашыу, уят бетге джарашыу.
Ушамагъан – джукъмаз.
Ач къарным, тынч къулагъым.
Аманнга да, игиге да оноусуз къатышма.
Чёбню кёлтюрсенг, тюбюнден сёз чыгъар.
Хансыз джомакъ болмаз.
Ашына кёре табагъы, балына кёре къалагъы.
Къарын къуру болса, джюрек уру болур.
Суугъа – таянма, джаугъа – ийнанма.
Ана къойну – балагъа джандет.
Aдам боллукъ, сыфатындан белгили.
Ёпкелегенни ашы татлы болады.
Ёксюзню тилеги къабыл болур.
Онгсузну – джакъла, тенгликни – сакъла.
Джигер – джаннга къыйынлыкъ.
Кёзню ачылгъаны – иги, ауузну джабылгъаны – иги.
Хаухну атма, ёнгкючню сатма.
Къайгъы тюбю – тенгиз.
Айныгъанлы алты кюн, тогъайгъанлы тогъуз кюн.
Аман адам этегингден тутса, кес да къач.
Кюл тюбюндеги от кёрюнмейди.
Джолда аягъынга сакъ бол, ушакъда тилинге сакъ бол.
Тай асырагъан, атха минер.
Джолунга кёре – джюрюшюнг, джагъанга кёре – юлюшюнг.
