Ата джурт – алтын бешик.
Билмегенинги, билгеннге сор.
Тюзлюк шохлукъну бегитир.
Ач къарынны, токъ билмез
Къаллай салам берсенг, аллай джууаб алырса.
Рысхысына кёре, джаш ёсер, къышлыгъына кёре, мал ёсер.
Ойнай билмеген, уруб къачар.
Тенги кёбню джау алмаз, акъылы кёбню дау алмаз.
Малны кют, джерни тюрт.
Башда акъыл болмаса, эки аякъгъа кюч джетер.
Аманнга игилик этсенг, юйюнге сау бармазса.
Джыйырма къойну юч джыйырма эбзе кюте эди.
Онгсузну – джакъла, тенгликни – сакъла.
Чомартны къолун джокълукъ байлар.
Тюзлюк тас болмайды.
Джаш болсун, къыз болсун, акъылы, саны тюз болсун.
Къызбайны юйюне дери сюрсенг, батыр болур.
Хантына кёре тузу, юйюне кёре къызы.
Къатын байлыкъны сюер, эр саулукъну сюер.
Иги сёз – джаннга азыкъ, аман сёз башха – къазыкъ.
Кимни – тили, тиши онглу, кимни – къолу, иши онглу.
Мухар, кеси тойса да, кёзю тоймаз.
Ашда уялгъан – мухар, ишде уялгъан – хомух.
Бёрю да ач къалмасын, эчки да ашалмасын.
Кечеси – аяз, кюню – къыш, джарлы къаргъагъа бир аш тюш!
Адамны сабийин сюйген джюреги, бычакъча, джитиди.
Ариу сёз – джаннга азыкъ, аман сёз – башха къазыкъ.
Тилде сюек болмаса да, сюек сындырыр.
Айран ичген – къутулду, джугъусун джалагъан – тутулду.
Сагъыш – къартлыкъгъа сюйюмчю.
Къызгъанчдан ычхыныр, мухардан ычхынмаз.
Сёлеш деб шай берген, тохта деб, сом берген.
Тау башында, тау болмаз, джангыз терек, бау болмаз.
Уруну арты – къуру.
Ариуну – ауруу кёб.
Келлик заман – къартлыкъ келтирир, кетген заман – джашлыкъ ёлтюрюр.
Арпа, будай – ащды, алтын, кюмюш а – ташды.
Окъугъанны бети джарыкъ.
Ариу – кёзге, акъыл – джюрекге.
Джолда аягъынга сакъ бол, ушакъда тилинге сакъ бол.
Иги адамны бир сёзю эки болмаз.
Магъанасыз сёз – тауушсуз сыбызгъы.
Сескекли кесин билдирир.
Сабийликде юретмесенг, уллу болса – тюзелмез.
Башынга джетмегенни сорма.
Ашарыкъда сайлагъаннга – чий гырджын.
Къонакъны къачан кетерин сорма, къачан келлигин сор.
«Ма», - дегенни билмесенг, «бер», - дегенни билмезсе.
Экиндини кеч къылсанг, чабыб джетер ашхам.
Алтыннга тот къонмаз.
