Оюмсуз атлагъан, аджалсыз ёлюр.
Адамны сабийин сюйген джюреги, бычакъча, джитиди.
Кёл ашады да, кеси ашады.
Азыкълы ат арымаз, къатыны аман джарымаз.
Бал ашаргъа сюе эсенг, чибин ургъаннга тёз.
Ачыкъ джюрекге джол – ачыкъ.
Болджал ишни бёрю ашар.
Къайгъыны сюйген, къайгъы табар.
Ашхылыкъ джерде джатмайды, аманлыкъ суугъа батмайды.
Намыс болмагъан джерде, насыб болмаз.
Хар ишни да аллы къыйынды.
Ата Джуртча джер болмаз, туугъан элча эл болмаз.
Кийимни бичсенг, кенг бич, тар этген къыйын тюлдю.
Ойнаб айтсанг да, эслеб айт.
Ишленмеклик адамлыкъды.
Айтылгъан буйрукъ, сёгюлмез
Ашарыкъда сайлагъаннга – чий гырджын.
Къазанда болса, чолпугъа чыгъар.
Эшекге миннген – биринчи айыб, андан джыгъылгъан – экинчи айыб.
Акъыл сабырлыкъ берир.
Уллу атлама – абынырса, уллу къабма – къарылырса.
Босагъагъа джууукъ орун болса, ашыгъыб тёрге озма.
Кёбню кёрген – кёб билир.
Окъугъан озар, окъумагъан тозар.
Сангырау къулакъ эл бузар.
Иги сёз – джаннга азыкъ, аман сёз башха – къазыкъ.
Тай асырагъан, атха минер.
Тюзню ётмеги тюзде къалса да, тас болмаз.
Тили узунну, намысы – къысха.
Къыз келсе, джумуш эте келеди, къатын келсе, ушакъ эте келеди.
Адамгъа аман кюн соруб келмейди.
Айран ичген – къутулду, джугъусун джалагъан – тутулду.
Башланнган иш битер, къымылдагъан тиш тюшер.
Тюз сёз баргъан сууну тыяр.
Джангыз торгъай джырламаз.
Булут кёкге джарашыу, уят бетге джарашыу.
Кёб ант этген, кёб ётюрюк айтыр.
Эркишиге тары кебек танг кёрюнюр.
Таукел адам тау тешер.
Танг атмайма десе да, кюн къоярыкъ тюйюлдю.
Сакъалы текени да бар, мыйыгъы киштикни да бар.
Ана кёлю – балада, бала кёлю – талада.
Ариу сёз – къылычдан джити.
Азыкъ аз болса, эртде орун сал.
Кесинг сынамагъан затны, адамгъа буюрма.
Джюз элде джюз ёгюзюм болгъандан эсе, джюз джууугъум болсун.
Ашхы – джыяр, аман – джояр.
Къолу уллу – асыу, аягъы уллу – джарсыу.
Соргъан айыб тюлдю, билмеген айыбды.
Этни да ашады, бетни да ашады.
