Ач, тоймам, дейди, тойгъан, ач болмам, дейди.
Нёгер болсанг, тенг бол, тенг болмасанг, кенг бол.
Ашха уста, юйюнде болсун
Джашны джигитлиги сорулур, къызны джигерлиги сорулур.
Ариу сёз джыланны орнундан чыгъарыр.
«Ма», - дегенни билмесенг, «бер», - дегенни билмезсе.
Ариу сёз аурууунгу алыр.
Ётюрюкден тюбю джокъ, кёлтюрюрге джиби джокъ.
Тилчи бир сагъатха айлыкъ хата этер.
Адебсиз адам – джюгенсиз ат.
Ариу сёз – къылычдан джити.
Келлик заман – къартлыкъ келтирир, кетген заман – джашлыкъ ёлтюрюр.
Окъ къызбайны джокълайды.
Таула не мийик болсала да, аууш табылыр.
Адам сёзге тынгыла, акъыл сёзню ангыла.
Кёрмегеннге кебек – танг, битмегеннге сакъал – танг.
Иесиз малны бёрю ашар.
Телини эшигин, махтау джабар.
Сууда джау джокъ, кёб сёзде магъана джокъ.
Айтылгъан буйрукъ, сёгюлмез
Чакъырылмагъан къонакъ тёрге атламаз.
Сабий болмагъан джерде, мёлек болмаз.
Аз айтсам, кёб ангылагъыз.
Билген билмегенни юретген адетди.
Ашхы тенг джолгъа салыр, аман тенг джолдан тайдырыр.
Къарт бла баш аша, джаш бла аякъ аша.
Ашхы атаны – джашы ашхы, ашхы ананы – къызы ашхы.
Ашына кёре табагъы, балына кёре къалагъы.
Кёкдеги болмаса, джердегин кёрмейди.
Тешигини къатында, чычхан да батыр болур.
Билимли ёлмез, билимсиз кёрмез.
Кёбден умут этиб, аздан къуру къалма.
Берекет берсин деген джерде, берекет болур.
Тойгъан джерден туугъан джер игиди.
Джумушакъ сёз къаты таякъны сындырыр.
Бети бедерден, намыс сакълама.
Шекер бла туз – бир болмаз, ушамагъан – юй болмаз.
Тешик этген тынчды, аны джамагъан къыйынды.
Билмейме деген – бир сёз
Ёлген аслан – сау чычхан.
Къанны къан бла джуума, аманны аман бла къуума.
Кесине гебен этелмеген, биреуге черен эте эди.
Хата – гитчеден.
Къонакъ болсанг, ийнакъ бол.
Садакъачыны джаны – къапчыгъында.
Оюмсуз атлагъан, аджалсыз ёлюр.
Элиб деген, элге болушур.
Юй ишлеген балта эшикде къалыр.
Мухардан ач ычхынмаз.
Кёб джашагъан – кёб билир.
