Кёбге таш атма.
Джыгъылгъанны сырты джерден тоймаз.
Мен да «сен», дейме, сен да «кесим», дейсе.
Кирсизни – саны таза, халалны – къаны таза.
Айранны сюйген, ийнек тутар.
Бетинги сатма, малынгы сат.
Билим насыб берир, билим джолну керир.
Халкъгъа джарагъан, джарлы къалмаз.
Рысхы джалгъанды: келген да этер, кетген да этер.
Харам къарнашдан, халал тенг ашхы.
Джукъу тёшек сайламайды.
Джангыз торгъай джырламаз.
Ата Джуртун танымагъан, атасын да танымаз.
Бир онгсуз адам адет чыгъарды, деб эштирик тюлсе.
Мухар, кеси тойса да, кёзю тоймаз.
Ишлегенден, къарагъан уста.
Ач бёрюге мекям джокъ.
Ургъан суудан башынгы сакъла.
Акъдан къара болмаз.
Ач, тоймам, дейди, тойгъан, ач болмам, дейди.
Кёрмегеннге кебек – танг, битмегеннге сакъал – танг.
Адамны джюреги нени кёрюрге сюйсе, кёзю да аны кёрюрге ёч болады.
Къарын къуру болса, джюрек уру болур.
Аш кетер да бет къалыр.
Юй ишлеген балта эшикде къалыр.
Ач келгенни – тойдур, кеч келгенни – къондур.
Ашатыргъа иш – ашхы, ишлетирге аш – ашхы.
Татлы сёз – балдан татлы.
Дуния малгъа сатылма, кесингден телиге къатылма.
Хар зат кесини орнуна иги.
Тойгъан джерден туугъан джер игиди.
Къазанны башы ачыкъ болса, итге уят керекди.
Адамны аманы адамны бети бла ойнар.
Чомарт къолда мал къалмаз.
Чабакъгъа акъыл, табагъа тюшсе келеди.
Эски джаугъа ышанма.
Эринчекни аурууу – кёб.
Ёксюзню тилеги къабыл болур.
Ёзденликни джайгъан – джокълукъ.
Байма, деб да, къууанма, джарлыма, деб да, джылама.
Насыб бютеу халкъны юлюшюдю.
Намысы болмагъанны, сыйы болмаз.
Ашхылыкъ джерде джатмайды, аманлыкъ суугъа батмайды.
Айыбны суу бла джууалмазса.
Эр абынмай, эл танымаз.
Кюлме джашха – келир башха.
Башынга джетмегенни сорма.
Джашда акъыл джокъ, къартда къарыу джокъ.
Биреуге кёлтюрген таягъынг, кесинги башынга урур.
Кечеси – аяз, кюню – къыш, джарлы къаргъагъа бир аш тюш!
