Этек чакъмакълары баш джаргъан, сёлешген сёзлери таш джаргъан.
Ишни аллы бла къууанма да, арты бла къууан.
Къарнынг къанлынга кийирир.
Тойгъа барсанг, тоюб бар, эски тонунгу къоюб бар.
Айтхан – тынч, этген – къыйын.
Азыгъы аз, алгъа къабар, аты аман, алгъа чабар.
Садакъачыны джаны – къапчыгъында.
Шекер бла туз – бир болмаз, ушамагъан – юй болмаз.
Ачыкъ джюрекге джол – ачыкъ.
Келинни – келгинчи, бёркню кийгинчи кёр.
Джан саулукъ бермей, сан саулукъ бермезсе.
Арыгъан къош чамчы болур.
Ашлыкъны арба юйге келтирир, чана базаргъа элтир.
Эркиши – от, тиширыу – суу.
Кёрмегеннге кебек – танг, битмегеннге сакъал – танг.
Къыйынлы джети элге оноу этер.
Босагъа таш юйге кирмей эди, тыбыр таш эшикге чыкъмай эди.
Бал – татлы, балдан да бала – татлы.
Атлыны ашхысы, ат тизгининден билинир
Атынг аманнга чыкъгъандан эсе, джанынг тамагъынгдан чыкъсын.
Чыкълы кюнде чыкъмагъан, чыкъса къуру кирмеген.
Эркишиге тары кебек танг кёрюнюр.
Кёбден умут этиб, аздан къуру къалма.
Тура эдим джата, къайдан чыкъды хата?
Джюз элде джюз ёгюзюм болгъандан эсе, джюз джууугъум болсун.
Чомарт бергенин айтмаз.
Алтыннга тот къонмаз.
Айныгъанлы алты кюн, тогъайгъанлы тогъуз кюн.
Къралынгы – душмандан, башынгы от бла суудан сакъла.
Къарт айтханны этмеген, къартаймаз.
Тенгинг джокъ эсе – изле, бар эсе – сакъла!
Джашны джигитлиги сорулур, къызны джигерлиги сорулур.
Къызны минг тилер, бир алыр.
Кюл тюбюндеги от кёрюнмейди.
Джангыз торгъай джырламаз.
Тыш элде солтан болгъандан эсе, кесинги элде олтан болгъан игиди!
Джарлы тюеге минсе да, ит къабар.
Кёкдеги болмаса, джердегин кёрмейди.
Къартны бурнун сюрт да, оноугъа тут.
Битмегеннге сакъал – танг.
Кесинге джетмегенни, кёб сёлешме.
Элде адам къалмаса, ит тахтагъа минер.
Узун джолну барсанг, бюгюн келирсе, къысха джолну барсанг, тамбла келирсе.
Туз, гырджын аша, тюзлюк бла джаша.
Бир абыннган – минг сюрюнюр.
Къатын къылыкъсыз, эр тынчлыкъсыз.
Киштикге къанат битсе, чыпчыкъ къалмаз эди.
Джылкъыдан – ат чыгъар, тукъумдан – джаш чыгъар.
Чакъырылмагъан къонакъ къачан кетерин сормаз.
Айраннга суу къош, телиге джол бош.
