Чомартны къолун джокълукъ байлар.
Таукел тауну аудурур.
Джашны джигитлиги сорулур, къызны джигерлиги сорулур.
Бойнуму джети джерден кессенг да, мен ол ишни этеллик тюлме.
Кёкдеги болмаса, джердегин кёрмейди.
Терек ауса, отунчу – кёб.
Сагъыш – къартлыкъгъа сюйюмчю.
Окъугъанны бети джарыкъ.
Сыфатында болмагъаны, суратында болмаз.
Аз сёлешген, къайгъысыз турур.
Джарлы джети элни сёзюн этер.
Ойнай билмеген, оюн бузар.
Ат да турмайды бир териде.
Ушамагъан – джукъмаз.
Зарда марда джокъ.
Ашхылыкъ джерде джатмайды, аманлыкъ суугъа батмайды.
Джаз бир кюнню джатсанг, къыш талай кюнню абынырса.
Уруну арты – къуру.
Чабакъгъа акъыл, табагъа тюшсе келеди.
Таукел адам тау тешер.
Джаралыны джастыгъында сау ёлюр.
Аджал соруб келмез, келсе, къайтыб кетмез.
Иги джашны ышаны – аз сёлешиб, кёб тынгылар.
Келлик заман – къартлыкъ келтирир, кетген заман – джашлыкъ ёлтюрюр.
Игиге айтсанг – билир, аманнга айтсанг – кюлюр.
Акъыллы эркиши атын махтар, акъылсыз эркиши къатынын махтар.
Окъугъан озар, окъумагъан тозар.
Урама да – ёледи, сатама да – келеди.
Рысхысына кёре, джаш ёсер, къышлыгъына кёре, мал ёсер.
Эки итни арасына сюек атма, эки адамны арасында сёз чыгъарма.
Ойнай билмеген, уруб къачар.
Атлыны ашхысы, ат тизгининден билинир
Телини эшигин, махтау джабар.
Эли джокъну – кёлю джокъ.
Борчунг бар эсе, хурджунунга ойлаб узал.
Чакъырылмагъан къонакъ къачан кетерин сормаз.
Аллахдан тилесенг, кёб тиле.
Элиб деген, элге болушур.
Джахил болса анасы, не билликди баласы?
Аууз сакълагъан – джан сакълар.
Айран ичген – къутулду, джугъусун джалагъан – тутулду.
Керилген да, ургъан кибикди.
Иги бла джюрюсенг, джетерсе муратынга, аман бла джюрюсенг, къалырса уятха.
Аш хазыр болса, иш харам болур.
Джеринден айырылгъан – джети джылар, джуртундан айырылгъан – ёлгюнчю джылар.
Керти сёзге тёре джокъ.
Джылкъыдан – ат чыгъар, тукъумдан – джаш чыгъар.
Ишленмеген джаш – джюгенсиз ат, ишленмеген къыз – тузсуз хант.
Хунаны тюбюн къазсанг, юсюнге ауар.
Тиширыусуз юй – отсуз от джагъа.
